Vise-Primeiru-Ministru no Ministru ba Planu no Ordenamentu, José Maria dos Reis. Imajen TATOLI/Egas Cristóvão

DILI, 03 juñu 2022(TATOLI)— Xefe Departamentu Apoia Ospitalár no Emerjénsia iha Ministériu Saúde, Emelita Augusta, informa Vise Primeiru Ministru no Ministru Planu no Ordenamentu, José Reis, sesta ne’e, arranka bá Malázia hodi halo tratamentu saúde tanba moras fuan.

Vise PM arranka bai ha tuku 13:30, ho aviaun Citilink no sei ba halo tratamentu saúde iha iHeal Medical Centre Kuala-Lumpur- Malázia.

“Ministru Jose Reis nia viajem akonpaña hosi nia familia ho médiku ida hosi Hospitál Nasionál Guido Valadares (HNGV),” Xefe Departamentu ne’e hateten ba Agência TATOLI liuhosi via telefónika.

Alende ne’e, nia dehan iha loron 8   juñu ne’e, pasiente hamutuk na’in-tolu mak sei bá halo tratamentu saúde iha rai liur hanesan eis-titular Doutór Nelson Martins no na’in-rua seluk hanesan pasiente bainbain ne’ebé sei ba halo tratamentu saúde iha Singapura no Malázia.

Entretantu, Diretór Klíniku Ospitál HNGV, Marcelino Correia, mós reforsa Vise Primeiru Ministru viájen ba Malázia hodi halo konsulta kontinuasaun ba nia-moras liuliu fuan.

“Ita nia Ministru ba kontinua halo tratamentu di’ak liután tanba antes ne’e nia moras fuan no nia halo tratamentu saúde iha HNGV,” nia afirma.

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here