DILI,02 juñu 2022 (TATOLI)—Ministériu Saúde (MS), relata kazu detetadu pozitivu foun ida, rekuperadu ida no kazu ativu 23.
“Ohin kazu detetadu foun ohin ida, rekuperadu ida, no kazu ativu 23,” Diretora Jerál Prestasaun Saúde Odete da Silva Viegas liuhosi nota ne’ebé Agência TATOLI asesu ohin ne’e.
Nune’e, hahú 21 marsu 2020 to’o 02 juñu 2022 iha kumulativu kazu konfirmadu 22.917 no óbitu 131.
Hosi horisehik mai ohin, Laboratóriu Nasionál Saúde halo teste PCR 49, kompostu vijilánsia sentinela laiha, rastreiu ba kontaku ida, rastreiu aleatóriu hitu, viájen internasionál 41, follow up iha kuarentena laiha.
Alende ne’e, totál teste PCR ne’ebé halo iha 01 juñu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 58, hanesan Maubisse la iha, Maliana ida, Viqueque laiha, Suai sia, Baucau laiha Ermera laiha , RAEOA laiha , HNGV 32, Lautém laiha, Vera Cruz laiha no Manufahi laiha.
Populasaun elijível tinan 18 ba leten, ne’ebe simu ona vasina to’o iha loron 02 juñu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,3%) no kumulativu 2ª doze iha Dili (82,5%).
Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,5% no simu ona doze daruak 73,5%.
Hosi insidénsia COVID-19 iha Timor-Leste, durante loron hitu ikus maka 0,5/100 mil abitante.
Iha loron 02 juñu 2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu ida no iha baixa ho COVID-19 ida.
Jornalista: Felicidade Ximenes
Editór : Florencio Miranda Ximenes
