Ekipa Pelican Paradise aprezenta dezeñu Projetu Dili Sidade Istóriku ba MTKI, tersa (31/05). Imajen/MTKI

DILI, 01 juñu 2022 (TATOLI)—Ekipa Pelican Paradise, semana ne’e, aprezenta dezeñu projetu Dili Sidade Istóriku ba Ministériu Turizmu Komérsiu no Indústria (MTKI).

“Ami halo aprezentasaun dezeñu Pelican Paradise ba ministériu atu fó informasaun kle’an kona-ba dezeñu ne’ebé ami ajuda halo ba Governu Timor-Leste hodi implementa iha Tasi-Tolu,” Diretór Ezekutivu empreza Pelican Paradise, Jeremiah  Chan, hateten, liuhosi nota ne’ebé Agência Tatoli asesu, kuarta ne’e.

Notísia relevante: Governu no Pelican Paradise selebra akordu investimentu espesiál

Tuir planu,  atu implementa projetu Dili Sidade Istóriku iha novembru 2022 ba faze dahuluk, sei hahú konstrusaun otél fitun lima no apartamentu.

Iha enkontru ne’e, Ministru Turizmu komérsiu no Industria, José Lucas do Carmo da Silva, apresia ba empreza Pelican Paradise, ne’ebé halo kooperasaun di’ak ho Governu hodi dezeñu fatin turizmu no tempu badak sei implementa projetu.

“Ha’u agaradese ba esforsu Pelican Paradise no ha’u husu mós ba parte Pelican Paradise, halo lalais kustu ba konstrusaun jardin nian hodi bele aselera prosesu ne’e ho lalais,” nia dehan.

Entidade ne’ebé partisipa iha enkontru ne’e mak Diretór Ezekutivu, Jeremiah Chan ho nia ekipa, Ministru Turizmu Komérsiu no Indústria, José Lucas do Carmo da Silva, ne’ebé akonpaña hosi Vise-Ministra Turizmu Komunitária Kulturál, Inácia da Conceição Teixeira, Diretór ezekutivu Centro Nasionál Chega (CNC), Hugo Maria fernades,  inklui Diretór Jerál Turizmu, Jelino Soares.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

1 KOMENTÁRIU

  1. Pelican Paradise ne’e bosok maka barak liu. Ninia projetu ida-ne’e ko’alia dezde Sr. Taur Matan Ruak sei hala’o knaar hanesan PR, to’o agora hala’o knaar hanesan PM mandatu atu hotu ona mais projetu ida-ne’e maka iha faze dezeñu hela de’it. Lalika bolu naran Pelican Paradise muda de’it naran Pergikau Paratasi hanesan maneira ida atu nia fila tiha de’it.

HAKEREK NO HATÁN

Please enter your comment!
Please enter your name here