Konstrusaun Uma Kbiit Laek ba povu kbiit laek sira. Imajen/Mídia MAE.

COVALIMA, 30 maiu 2022 (TATOLI)–Diretór Programa Nasionál Dezenvolvimentu Suku (PNDS) Covalima, Filipe Cardoso, informa progresu konstrusaun Uma Kbiit Laek 2021 unidade 90 ne’ebé Governu konstrui ba ema kbiit laek sira iha munisípiu Covalima atinje ona 75,54%.

“Ha’u hakarak atualiza progresu implementasaun Uma Kbiit Laek unidade 90 iha tinan 2021 iha munisípiu Covalima atinje ona 75,54%,” Filipe Cardoso informa ba Agencia Tatoli iha nia knar fatin, Kampung Baru, segunda ne’e

Konstrusaun Uma Kbiit Laek unidade 90 ne’e, ekipa Programa Nasionál Dezenvolvimentu Suku (PNDS) implementa iha postu administrativu hitu (7), suku 30 iha munisípiu Covalima.

Bazea ba dadus hosi PNDS Covalima hatudu katak progresu implementasaun UKL unidade 90 hanesan iha postu administrativu Fatululik konstrui UKL unidade neen (6) ho ninia progresu iatinje ona 100%, Zumalai konstrui UKL unidade 24 ho ninia progresu atinje ona 75.06 %,  Suai Vila konstru UKL unidade 15 ho ninia progresu atinje ona 59,44%,

Aleinde ne’e, ekipa PNDS Covalima konstrui UKL unidade sia (9) iha postu administrativu Fatumea ne’e ninia progresu atinje ona 52,28%, iha Tilomar konstrusaun UKL unidade 12 ne’e atinje ona 72,15%, Maucatar konstrusaun UKL Unidade 12 ho ninia progresu 94,25%, Fohorem konstrui UKL unidade 12 ho ninia progresu 75,58%.

Nia konsidera, implementasaun konstrsaun UKL unidade 90 iha Covalima ne’e carry over tanba ne’e ekipa tékniku sira sei esforsu iha fulan-juñu tinan 2022 finaliza ona

“Liga ba konstrsaun UKL unidade 90 iha Covalima ne’ebé konsidera Carry Over bazea ba fulan-juñu nia rohan iha tinan ne’e. Ami tenke aselera no konklui ona bele atinje 100%,” nia dehan.

Tuir planu, iha loron 2-3 sei inaugura Uma Kbiit Laek (UKL) hamutuk UKL unidade 21, iha postu  administrativu Maucatar, Fatululik, Fohorem no Tilomar ne’ebe  implementasaun  alvu multi anuál .

Ekipa programa Nasional Dezenvolvimentu Suku (PMDS) konstrui Uma Kbiit Laek iha Covalima unidade 90 implementa iha postu administrativu hitu (7) iha suku 30 ho nia orsamentu hamutuk $1,491.000.00 no nia progresu ezekusaun atinje ona 40%.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here