Pesoál Saúde sira prepara hela vasina Booster ba Estudante Ensinu Báziku, Maria Auxiliadora Comoro ne’ebé organiza hosi Madre no Mestra sira , tersa 10/5/2022. Imajen Tatoli/Antonio Daciparu

DILI, 26 maiu   2022  (TATOLI)— Ministériu Saúde (MS),  relata kazu pozitivu foun na’in-hitu, rekuperadu laiha no kazu ativu na’in-15.

“Ohin kazu detetadu pozitivu foun hitu, rekuperadu  laiha no kazu ativu na’in-15,” Diretora Jerál Prestasaun,  Saúde Odete da Silva Viegas  liuhosi nota ne’ebé Agência TATOLI asesu, sesta ne’e. 

Nune’e, hahú 21 marsu 2020 too 26 maiu 2022 iha kumulativu kazu konfirmadu 22.904 no óbitu 131.

Hosi horisehik mai ohin, Laboratóriu Nasionál Saúde halo teste PCR 139,  kompostu vijilánsia sentinela  ida, rastreiu ba kontaku 30, rastreiu aleatóriu lima,viájen internasionál 130, follow up iha kuarentena laiha.

Alende ne’e, totál teste PCR ne’ebé halo iha  25 maiu 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 46, hanesan Maubisse laiha, Maliana laiha, Viqueque laiha, Suai hitu,  Baucau laiha, Ermera laiha, RAEOA  lima, HNGV 34, Lautém laiha, Vera-Cruz laiha no Manufahi laiha.

Populasaun elijível tinan 18 ba leten, ne’ebe simu ona vasina to’o iha loron 25 maiu 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (87,2%) no kumulativu 2ª doze iha Dili (82,2%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,2% no simu ona doze daruak 73,0%.

Hosi insidénsia COVID-19 iha Timor-Leste, durante loron hitu ikus maka 0,4/100 mil abitante.

Iha loron  26  maio  2022, izolamentu Vera-Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no iha baixa ho COVID-19 laiha.

Notísia Relevante: COVID-19: kazu detetadu pozitivu na’in-ida no ativu ualu

Jornalista: Felicidade Ximenes

Editór        : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here