Prezidente Autoridade Munisípiu Baucau, Olívio ‘Bou-Lesa’ Freitas. Imajen TATOLI/Natalino Belo.

BAUCAU, 26 maiu 2022 (TATOLI) – Autoridade Admistrasaun Munisipál Baucau daudaun ne’e preparadu ezekuta implementasaun lei podér lokál no desentralizasaun administrativa iha futuru.

Prezidente Autoridade Munisipál (PAM) Baucau, Olívio ‘Bou-Lesa’ Freitas, esplika lei podér lokál no desentralizasaun administrativa promulagadu ona no bainhira lei finanseira munisipál aprova iha parlamentu nasionál sei implementa kámara munisipál iha Baucau.

“Sei liuhosi avaliasaun hosi Governu Sentrál ba munisípiu hotu-hotu, Baucau tama ka lae depende ba Governu Sentrál nia avaliasaun ne’ebé hala’o hela,” Prezidente Autoridade Munisípiu Baucau informa ba Agência Tatoli iha Vila Nova, kinta ne’e.

Nia dehan, atu implementa podér lokál no desentralizasaun administrativa presiZa iha preparasaun tuir kritéria ne’ebé establese, liuliu limitasaun tuir kompeténsia ne’ebé atribui ba munisípiu no labele uza podér ba interese privadu.

Prezidente Autoridade Munisipál Baucau konsidera rekursu umanu sai fatór inportante ba establesementu podér lokál no desentralizasaun administrativa ne’ebé maioria priexe ona iha departamentu sira-ne’ebé eziste iha administrasaun, maske kargu departamentu hanesan saneiamentu no notariadu seidauk iha tanba mínimu rekursu finanseira.

“Baucau prontu atu hasoru implementasaun desentralizasaun hanesan preparasaun ba formasaun no seluk tán,” Bou-Lesa akresenta.

Bou-Lesta sente tempu to’o ona implementa podér lokál no setór importante ne’ebé presiza atu halo investimentu mak turismu, agrikultura, edukasaun, saúde no ekonomia tuir kbiit no kapasidade hodi rekolla reseita hosi setór hirak-ne’e.

Munisípiu Baucau koñesidu ho naran seluk Kulugisa (kulu-tunu), ne’ebé iha bee-matan barak ne’ebé fó produsaun setór agríkola, durante okupasaun português hanaran Villa de Salazar.

Dadus sensus 2010 hatudu katak, totál populasaun hamutuk 159.083, hosi suku 59 kompostu hosi postu administrativu neen hanesan, Baguia, Baucau vila, Laga, Quelicai, Vemasse no Venilale.

Lian materna hosi Baucau mak Makasa’e, Uaima’a, Galolen, Midiki no Nau-eti iha pontensialidade ba área turismu hanesan tasi Uatabo, Laga, Kairabela, Uaiwono, Seisal, Buru-uma ne’ebé sei fó rendimentu ba setór peska.

Foho matebian ho aas metro 2.316 ne’ebé poténsia sai área turismu istóriku hanesan fatin abrigu ba Forsa Armada Libertasaun Nasionál Timor-Leste (FALINTIL) ne’ebé lokaliza iha postu Quelicai.

Nune’e mós sítiu Goa-7 rezultadu konstrusaun hosi forsa Japaun iha tempu fundu mundiál daruak, iha bee-manas, lagoa ne’ebé lokaliza iha área postu Venilale, natar ne’ebé luan hosi parte Vemasse, Venilale, Baucau Vila, Laga, Quelicai no Baguia rohan.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here