Sorumutu entre Konsellu Diretivu Agência Tatoli ho Prezidente Autoridade Munisípiu Baucau hodi ko’alia kona-ba kooperasaun iha futuru, kinta (26/05). Imajen Tatoli/Natalino Belo.

BAUCAU, 26 maiu 2022 (TATOLI) – Autoridade Administrasaun Munisipál Baucau, kinta ne’e simu komitiva hosi Agência Notisioza Timor-Leste nian-TATOLI, hodi deskute futuru kooperasaun no prontu atribui espasu ba informasaun ofisiál estadu nian hala’o kna’ar ne’ebé prevista ona iha dekretu-lei númeru 21/2017, 24 maiu.

Nune’e Prezidente Autoridade Munisipál (PAM) Baucau, Olívio ‘Bou-Lesa’ Freitas, simu komitiva Agência Tatoli. IP nian kompostu Prezidente Konsellu Direitvu, Manuel Pinto, Vise-Prezidente Asuntu Mídia no Jornalístika, Xisto Freitas, hodi ko’alia kona-ba futuru kooperasaun entre Tatoli ho Autoridade Munisipál Baucau.

Prezensa Konsellu Diretivu hosi Agência TATOLI iha Baucau koalia asuntu rua inportante hanesan hato’o agradesimentu ba autoridade munisipál Baucau tanba durante tinan-ida koopera ona ho Tatoli liga ho divulgasaun informasaun iha munisípiu no kooperasaun iha futuru. Futuru kooperasaun sei la’o tuir baze legál ne’ebé temi iha dekretu-lei númeru 21/2017, 24 maiu.

“Nu’udar Prezidente Autoridade sei koordena ho diresaun terras no propriedade atu haree uma ruma ne’ebé durante okupasaun portugés no indonézia bele fó ba Agência Tatoli.IP atu utiliza,” Prezidente Autoride Munisípiu Baucau, ko’alia iha Vila Nova.

Autoridade Munisipál ne’e konsidera prezensa Agência Tatoli iha munisípiu Baucau importante hanesan parte kontribui informasaun hosi baze kona-ba asuntu sosiál, ekonomia, agrikultura no prosesu dezenvolvementu ba públiku.

Nune’e mós prezensa Agência Tatoli iha Baucau parte preparasaun hasoru implementasaun lei podér lokál no desentralizasaun administrativa no eleisaun munisipál iha futuru.

Estadu kria Agência Notisioza Timor-Leste, Institutu Públiku (TATOLI, I.P) ho objetivu sai fonte informasaun ofisiál Estadu Timor-Leste nian, ne’ebé iha kapasidade no kbiit elabora produtu informasaun no notísia ne’ebé nesesita hosi públiku utilizadór informasaun iha eskala nasionál, rejionál no internasionál.

Nune’e mós ho objetivu karateriza asaun Agência nian sai kanál informativu Governu nian hodi fornese informasaun kredível no verdadeira ba povu.

Dezde estabelese iha 2016, Agência Tatoli ezekuta ona medida prinsipál setoriál sira mak hanesan halo divulgasaun materiál rekollidu, forma gratuita ka mediante remunerasaun livremente konvensionada, iha portál própriu ba utilizasaun órgaun komunikasaun sosiál nasionál, nune’e mós promove governasaun di’ak no jestaun institusionál iha ajénsia refere.

Hosi medida prinsipál hirak-ne’e korresponde ho programa governasaun di’ak no jestaun institusionál.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here