Audiensia públika konjunta ba proposta-lei Grande Opsaun Planu 2023, iha sala plenária Parlamentu Nasionál, kuarta (25/05). Imajen/MF

DILI, 25 maiu 2022 (TATOLI)–Parlamentu Nasionál (PN), kuarta ne’e, hahú audiensia públika ho Governu kona-ba proposta-lei Grande Opsaun Planu tinan 2023.

Sesaun audiensia públika konjunta ho komisaun B to’o G, ne’ebé marka prezensa hosi Ministru Finansa, Rui Augusto Gomes, akompaña ho Governadór Banku Sentrál Timor-Leste (BNCT, sigla portugés), Abraão Vasconselos no Prezidente Konsellu Konsultivu Fundu Petrolíferu (KKFP), Juvinal Dias.

Tuir nota ne’ebé Agência Tatoli asesu kuarta ne’e, proposta-lei Grande Opsaun Planu 2023, kontein medida ka atividade prinsipál hamutuk 263 liuhosi programa 45 iha área estratéjiku 16, ne’ebé Governu sei foku iha tinan oin. 

Notísia relevante: PN baixa proposta-lei Grande Opsaun Planu 2023 ba Komisaun C

Proposta-lei ne’e inklui estimasaun orsamentu multi-anuál hahú hosi tinan 2023 to’o 2027 inklui tetu agregadu ba Orsamentu Jerál Estadu (OJE) 2023 ho montante biliaun $2,15 no proposta tetu orsamentu ne’e sei aloka ba Administrasaun Sentrál 83%, Rejiaun Administrativa Espesiál Oé-ccusse Ambeno (RAEOA) 6% no Seguransa Sosiál 11%.

Sesaun audiensia públika prezide hosi Prezidente Komisaun C ne’ebé trata asuntu Finansa Públika, Deputada Maria Angélica Rangel.

Iha loron 09 maiu, Konsellu Ministru hala’o reuniaun estraordinária no aprova ona proposta-lei Grande Opsaun Planu 2023, ne’ebé aprezenta hosi Ministru Finansa.

Antes ne’e, Ministériu Finansa (MF) realiza ona Jornada Planeamentu ne’ebé membru Governu no responsável instituisaun Estadu hamutuk 98 halo ona apresiasaun ba atividade prinsipál. 

Medida tuir proposta inísiu hosi entidade Estadu hamutuk 4.120, maibé hafoin MF halo rasionalizasaun tuun ba 1.452 no iha proposta-lei ne’e tun ba 263 medida liuhosi programa 45 iha área estratéjiku 16.

Jornalista : Arminda Fonseca

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here