Diretór Jerál Ministériu Administrasaun Estatál (MAE), Belarmino Filomeno Neves. Imajen Tatoli/Osória Marques

DILI, 24 maiu 2022 (TATOLI) — Diretór Jerál Ministériu Administrasaun Estatál (MAE), Belarmino Filomeno Neves, hateten Lei Finansa Munisipál submete ona ba Konsellu Ministru (KM) hodi halo diskusaun no hetan apresiasaun.

“Kona-ba Draf Lei Finansa Munisipál oras ne’e daudaun tama ona Konsellu Ministru hodi halo diskusaun no hetan tiha apresiasaun hafoin ba aprezenta iha Parlamentu Nasionál”, dehan Belarmino ba Agência TATOLI, via telefone.

Ho ezbosu lei ne’e, Diretór ne’e dehan molok tinan ne’e nia rohan Lei ne’e tenke publika ona iha Jornál Repúblika.

“Ita-nia esperansa boot no garante katak iha tinan ne’e nia rohan ita bele implementa ona iha munisípiu hotu tanba iha ona Konsellu Ministru hodi hein apresiasaun”, revela

Draf Lei ba Finansa Munisipál ne’e iha ona KM, responsável ne’e husu ba Prezidente Autoriadade no Administradór Munisípiu sira atu prepara-an sira-nia rekursu umanu atu bele iha kbiit hodi implementa.

“Sira tenke prepara sira-nia aan, prepara sira-nia rekursu umanu ne´ebé iha kapasidade di’ak atu bainhira lei ne’e aprova, promulga no públika sira iha ona kbiit rasik hodi implementa lei ne’e tuir regra ne’ebé emitidu ona no tuir konteúdu lei ne’e rasik”, konklui.

Jornalista : Osória Marques

Editór : Zezito Silva 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here