Primeiru-Ministru (PM), Taur Matan Ruak, akompañadu hosi Ministru Prezidénsia Konsellu Ministru, Fidélis Leite Magalhães, simu vizita kortezia hosi Honorável Alice Albright. Imajen/Mídia GPM.

DILI, 21 maiu 2022 (TATOLI)—Primeiru-Ministru (PM), Taur Matan Ruak, akompañadu hosi Ministru Prezidénsia Konsellu Ministru, Fidélis Leite Magalhães, sesta (20/05) ne’e, simu vizita kortezia hosi Honorável Alice Albright, responsável Millennium Challenge Corporation (MCC).

Responsável MCC ne’e mai Timor-Leste nu’udar reprezentante espesiál Prezidente Estadu Unidu Amérika (EUA) Biden nian, ne’ebé partisipa selebrasaun 20 maiu nomós serimónia investidura Prezidente Repúblika eleitu períodu 2022-2027, José Manuel Ramos Horta.

Primeiru-Ministru (PM), Taur Matan Ruak, akompañadu hosi Ministru Prezidénsia Konsellu Ministru, Fidélis Leite Magalhães, simu vizita kortezia hosi Honorável Alice Albright ho ninia delegasaun sira. Imajen/Mídia GPM.

“Kontinuasaun ba esforsu sira hotu no vontade hotu ne’ebé sira iha nu’udar relasaun ho Timor-Leste. Ha’u-nia ekipa rasik, no sira hosi parte MCC nian, sira sei kontinua nafatin halo elaborasaun no diskusaun ba detallu sira, maibé forma jerál akordu ne’ebé mak ita iha, laiha tan ona atu aumenta. Tanba konkorda hotu ona,” Fidelis Magalhães hateten liuhosi nota komunikadu ne’ebé Agência Tatoli asesu, sábadu ne’e.

Fidelis hateten, objetivu hosi vizita ne’e atu kontinua hametin kooperasaun ne’ebé metin liután entre Governu Timor-Leste no Governu Amérika, entaun atu rona mensajen ne’ebé mak Prezidente Amerika nia hakarak hato’o ba Prezidente foun, ba Governu no ba Povu Timor-Leste ba kompromisu hirak ne’ebé mak Guvernu Estadu Unidu iha ho Timor-Leste.

Agora hein de’it ba disizaun Board Governance iha Board sira-nian ne’e no sira-nian ne’e envia ba iha kongresu Amerikanu nian hodi hetan autorizasaun.

Jornalista : Arminda Fonseca

Editór       : Cancio Ximenes

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here