Atleta hosi modalidade Atletizmu Felisberto de Deus. Imajen/espesiál

VIETNAME, 17 maiu 2022 (TATOLI)– Atleta hosi modalidade Atletizmu Felisberto de Deus, iha loron sábadu (14/05), hanesan atleta dahuluk ne’ebé konsege hamorin Timor-Leste nia naran iha jogu SEA Games 2021, iha Vietname.

“Ha’u sente kontente tanba hanesan atleta primeiru ne’ebé sai manán na’in dahuluk iha SEA Games ne’e, ha’u hetan segundu lugar iha eventu ne’e,” Felisberto  hateten ba Agência TATOLI iha Vietname, tersa ne’e.

Notísia relevante: Boxista Timor-Leste halakon Malázia iha SEA Games

Atleta Felisberto kompete iha modalidade Atletizmu ho kurida metru 5.000, ne’ebé kompete hosi atleta hosi nasaun ualu, maibé konsege tebe dook nasaun neen.

Nune’e, Atleta ne’e sai hanesan segundu vensedór hodi hetan medalla osan mutin ida. Enkuantu altleta Vietname mak hanesan primeiru lugar no Filipina mak terseiru lugar.

Ho Vitória ne’e, Felisberto la haluha agradese ba povu Timor-Leste no liuliu Governu ne’ebé suporta ona nia too hetan medalla hodi oferese ba nasaun.

“Ha’u agradese tebes ba povu hotu imi nia orasaun mak ohin loron ha’u susesu, ha’u agradese mós ba ita nia Estadu tanba suporta ha’u la saugati iha duni rezultadu,” nia kongratula.

Notísia relevante: Ekipa futeból Timor-Leste termina jogu ho lakon kontra Vietname 0-2

Jornalista: Hortencio Sanchez

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here