Natar iha Maliana abandonadu tanba bee la iha. Imajen Tatoli/António Gonçalves.

COVALIMA, 16 maiu 2022 (TATOLI)—Servisu Munisípiu Agrikultura Covalima, Domingos Gusmão hateten, natar barak abandona iha postu administrativu Tilomar, munisípiu Covalima abandona tanba ponte bee iha Damuk maran.

“Ita hatene katak natar ida uluk tinan 200 mai leten agrikultór sira kuaze halo natar maibé ikus-ikus ne’e povu agrikultór sira abandona tanba kauza hosi ponte bee iha àrea damuk iha aldeia Aí-Oan maran, entaun natar hotu-hotu abandonadu,” Domingos Gusmão hateten ba jornalista sira, iha resintu AMC, segunda ne’e.

Iha munisípiu Covalima liu-liu postu administrativu sira liu-liu postu administrativu Tilomar mak agora natar barak mak abandona tanba laiha bee. 

Postu administrative iha Covalima ne’ebé mak potensiàl ba natar mak postu administrative Zumalai to’o Suai Vila iha parte Suai Loro ho Beco ne’e, dirasaun nasionál irrigasaun ho grande projetu mai ona. 

“Ami ba haree direita knál irigasaun maucola hodi bele tau iha planu ba tinan oin atu rekonstrui kanál irrigasaun hetan estragu hosi korente bee-mota,” nia dehan.   

Maibé, nia dehan, bainhira mak atu konstrui depende hosi nasionál bele tau ona iha planu hodi bele konkretiza promesa.

“Iha Salele foin lalais dirasaun nasional irrigasaun mai ami ba haree direta ona ha’u lahatene inklui ne’ebá ka lae maibé iha parte Suai Loro ho Debos nian pozitivu hein de’it publika ona iha jornàl Republika bele halo ona konstrusuan,” nia dehan.

Jornalista : Celestina Teles

Editór       : Cancio Ximenes 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here