Vice Ministru Justisa, José Edmundo Caetano. Imajen Tatoli/Egas Cristovão

COVALIMA, 13 maiu 2022 (TATOLI)—Vise-Ministru Justisa, José Edmundo Caetano hateten, Ministériu Justisa Timor-Leste sei dezenvolve setór justisa hodi haree iha área rekursu umanu.

“Rekursu umanu ita presiza duni área espesialidade ida-idak nian, hanesan iha prizaun no iha área jutisa Dirasaun Nasonál Terras no Propriedade, Dirasaun Servisu Prizionál parte tribunál Ministériu Defensór Públiku,” José Edmundo Caetano liuhosi nia diskursu, iha aniversáriu Guarda Prizionál iha prizaun Suai, sesta ne’e.

Governante ne’e hateten, Timor-Leste presiza dezenvolve setór justista foku liu ba iha área rekursu umanu tanba  haree rekursu umanu ne’e limitadu, tanba ne’e presiza halo rekrutamentu hodi  halo kapasitasaun hodi bele rezolve problema iha justisa.

Maske Governu nia polítika atu dezenvolve setór justisa maibé sei halo planu hodi halo rekrutamentu ba guarda prizionál sira, iha parte majistradu judisiáriu, Ministériu Públiku ne’ebé halo ona rekrutamentu parte majistradu judisiariu nian ne’ebé oras ne’e daudauk formasaun la’o hela, nune’e komunidade bele asesu justisa.

Enkuatu, iha OJE 2022 ne’e Ministériu Justisa prevee $12,506,594 ne’ebé aloka ba saláriu vensimentu $5,477,29, bens sevisu $6,633,594, kapitál dezenvolvimentu $395,701, kapitál menór no transferénsia públika laiha. hosi orsamentu ne’e hodi finansia programa haat, sub-programa 15 no atividade 34.

Programa reforma Estadu sei gasta $120,932, programa asesu justisa sei gasta $7,747,325, programa boa-governasaun no jestaun instituisionál sei gasta $4,633,337 no programa igualidade jéneru no inkluzaun sosiál $5,000.

Programa reforma Estadu ho nia objetivu médiu prazu sistema legál efisiente no efikaz, reflete adekuadu organizasaun no sosiedade ho nia sub-programa konsolidasaun lejislativa ho atividade mak konsepsaun konsolidasaun no modernizasaun lejislasaun.

Proprama asesu justisa ho objetivu médiu prazu ba rai iha territíoriu rejista no bens Estadu Toda mantein jere ho nia sub-programa reinsersaun sosiál no atividade promosaun reinsersaun sosiál.

Sub-programa servisu prizionál nia atividade dezenvolvimentu servisu prizionál, jestaun finanseira desentralizasaun munisípiu DNSPRS.

Sub-programa servisu kadastru ho atividade rejistu no kadastru terras propriedade, rekuñesimentu atribuisaun direitu propriedade.

Sub-programa jestaun terras propriedade nia atividade jestaun patrimóniu imobiliariu Estadu, jestaun mediasaun disputa iha ambitu terras no propriedade, jestaun finanseira desentralizasaun munisípiu DNTPSC, identifikasaun pontu referensia orden haat.

Sub-programa jestaun informasaun jeoespasiál ho atividade levantamentu dadus klasifikasaun  uso do solo.

Subprograma asesu justisa nia atividade disiminasaun lei vigór no direitu no dever sidadania, asisténsia jurídika, servisu tradusaun no interpretasaun diploma lejislativu, jestaun finanseira desentralizasaun munisípiu hosi Defensória Públika.

Sub-programa dezenvolvimentu rekursu urmanu iha área téknika espesífika ho nia atividade formasaun profisional ba autór justisa.

Sub-programa rejistu notariadu no nia atividade jestaun servisu kartóriu notariadu, jestaun servisu kartória notariadu, jestaun konservatóriu notariu.

Sub-programa identifikasaun sivíl no rejistu kriminál ho nia atividade haat.

No programa boa-governasaun no jestaun instituisional ho nia sub-programa tolu no atividade 10. Enkuantu, programa igualidade jéneru no inkluzaun sosiál ho nia sub-programa ida no atividade ida.

Jornalista : Celestina Teles

Editór        : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here