Vise-Ministru Interiór, António Armindo. Imajen Tatoli/Francisco Sony

DILI, 12 maiu 2022 (TATOLI)— Vise Ministru Interiór (VMI), António Armindo, informa nia parte  submete ona proposta rekrutamentu membru PNTL foun hamutuk 720 ba Ministru Interiór atuál Primeiru Ministru, Taur Matan Ruak atu  haree no deside.

“Hafoin ha’u ho Komandante Jerál PNTL halo tiha aprezentasaun ba proposta planu rekrutamentu iha 2023, iha semana kotuk, ha’u submete kedan ba Primeiru Ministru hanesan Ministru Interiór, atu haree no deside tuir kompeténsia Ministru Interiór nian,”Governante ne’e hateten ba  jornalista iha Timor Plaza, kinta ne’e.

Notísia relevante:   Governu planeia rekrutamentu konjunta membru PNTL-F-FDTL

Maibé, nia dehan Governu liuhosi Ministériu Interiór (MI) planu halo rekrutamentu ba ajente Polisia Nasionál Timor-Leste (PNTL) foun hamutuk 720 iha tinan 2023.

Tanba, nia dehan presiza aumenta ajente foun , tanba membru PNTL balun moras no barak mak mate ona inklui membru balun nia idade avansadu ona ne’ebé presiza reforma ona.

Daudaun ne’e, koordena ona ho Komandu PNTL atu orsamenta rekrutamentu kadete foun ne’e iha Orsamentu Jerál Estadu (OJE) 2023 hodi aloka ba orsamentu PNTL nian no sei aprezenta iha Komisaun Revizaun Orsamentu Polítika (KROP).

Tanba, rekrutamentu ba membru PNTL tuir loloos realiza iha tinan ne’e, maibé tanba tinan ne’e PNTL halo preparasaun hasoru eleisaun prezidensiál, nune’e orsamentu prevee ba fali iha nesesidade PNTL atu garante asegura iha kampaña no eleisaun tinan ne’e.

Notísia relevante: 2023, Governu planu halo rekrutamentu ba membru PNTL na’in-720

Jornalista: Natalino Costa

Editór        : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here