Deputadu CNRT, Arão Noé de Jesus da Costa Amaral. Imajen/António Gonçalves.

DILI, 12 maiu 2022 (TATOLI)—Prezidente Parlamentu Nasionál, Aniceto Longuinhos Guterres Lopes, informa Parlamentu Nasionál simu notifikasaun hosi Ministéiru Públiku (MP) atu hasai imunidade Deputadu Arão Noe hodi halo inkeretu.

“Iha pedidu Ministériu Públiku liu hosi Prokuradór Jerál Repúblika husu mai Parlamentu Nasionál atu foti imunidade Deputadu Arão Noe nian hodi halo inkeretu no iha ne’eba sita liga ho kazu abuzu podér akontese bainhira ezerje hela funsaun hanesan Prezidente Parlamentu,” Aniceto Guterres hateten ba jornalista sira iha PN, kinta ne’e

Loloos faze ne’e sei iha inkeretu la’os julgamentu Tribunál nian seidauk iha, tan ne’e iha hela faze inkeretu ninian, no kazu ne’e parese Komisaun Antí Korrupasaun (CAC) halo tiha ona investigasaun no agora Ministériu Públiku antes haruka ba Tribunál halo akuzasaun tenke halo fali inkeretu.

“Maibé durante ne’e Parlamentu foti Deputadu ida-nia imunidade ne’e bainhira akuzasaun prontu ona ho julgamentu atu la’o iha Tribunál mak juis sira husu mai Parlamentu atu foti imunidade Deputadu ida-ne’e nian,” nia dehan.

Maibé, nia dehan, agora la hanesan baibain ho ida-ne’e sei konsulta ho asesór jurídiku sira antes avansa ba plenária atu deside foti ka ka la’e ba imunidade iha faze inkeretu iha MP.

Jornalista : Nelson de Sousa

Editór       : Cancio Ximenes

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here