Diretora Ezekutiva Laboratórium Nasionál Saúde (LNS), Endang Soares Silva. Imajen Tatoli/Francisco Sony

DILI, 11 maiu 2022 (TATOLI)—Diretora Ezekutiva Laboratóriu Nasionál Saúde (LABNAS), Endang Soares, informa hahú janeiru too marsu, konsege rekolla reseita hamutuk $55,257 ba kofre Estadu.

“Reseita hirak ne’e kobre hosi teste COVID-19 ba sidadaun timor-oan no estranjeiru ne’ebé viajen ba rai li’ur no halo diagnosa ba mikrobiolojia inklui mós ami simu amostra hosi Klínika Stamford Medical no Marie Stopes Timor Leste hodi halo teste,” Diretora Endang Soares, hateten iha nia knaar fatin Bidau, kuarta ne’e.

Tuir nian, ema sira ne’ebé mak halo teste ba COVID-19 iha kustu diferente hanesan Polymerase Chain Reation (PCR) ho kustu $35, Rapid PCR ka GeneXpert no PCR Undiagnostic ho kustu $40 no balun urjente too $140.

“Kustu ne’e iha variedade depende ba ita-nia elaborasaun liuliu sura nia kustu ho baze ba atividade hosi manutensaun mákina hira, eletresidade hira no kompra mákina inklui reajente sira. Maibé agora rapid teste too agora gratuita tanba apoia Governu halo prevensaun ba COVID-19 liuliu iha screening ninian,” nia afirma.

Kona-ba ekipamentu no reajente iha Laboratóriu Nasionál Saúde sufisiente tanba durante ne’e hetan apoia hosi parseiru sira hanesan Menzies School of Health Research, Fundu Globál no Organizasaun Mundiál Saúde (OMS) no parseiru internsionál sira seluk.

Notísia relevante: OJE 2022: LABNAS ezekuta ona 12,24% iha trimestre dahuluk

Jornalista : Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here