Pesoál Saúde vasina hela Booster ba Estudante Ensinu Báziku, Maria Auxiliadora Comoro, tersa 10/5/2022.Imajen Tatoli/Antonio Daciparu

DILI,10 maiu   2022  (TATOLI)— Ministériu Saúde (MS) relata, kazu detetadu pozitivu foun na’in-ida, rekuperadu laiha no kazu ativu na’in-26.

“Ohin kazu detetadu foun na’in-ida, rekuperadu  laiha no kazu ativu 26,” hateten Diretora Jerál Prestasaun Saúde Odete da Silva Viegas  liuhosi nota ne’ebé Agência TATOLI asesu,tersa ne’e. 

Estudante Ensinu Baziku, Maria Auxiliadora Comoro organiza husi madre no mestra sira hodi simu vasina booster ne’ebe oferese husi MS servisu hamutuk ho organizasaun OMS, tersa 10/5/2022.Imajen Tatoli/Antonio Daciparu

Nune’e, hahú 21 marsu 2020 too 10  maiu 2022  iha kumulativu kazu konfirmadu 22.886 no óbitu 130.

Hosi horisehik mai ohin, Laboratóriu Nasionál Saúde halo teste PCR 304, kompostu vijilánsia sentinela laiha, rastreiu ba kontaku laiha, rastreiu aleatóriu lima, viájen internasionál 299, follow up iha kuarentena laiha.

Alende ne’e, totál teste PCR ne’ebé halo iha  08  maio 2022   iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 49 hanesan Maubisse laiha, Maliana hitu, Viqueque laiha, Suai laiha,  Baucau laiha, Ermera laiha, RAEOA laiha, HNGV  42,  Lautém laiha, Vera-Cruz laiha no Manufahi laiha.

Populasaun elijível tinan 18 ba leten, ne’ebé simu ona vasina too iha loron 10 maiu  2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,6%) no kumulativu 2ª doze iha Dili (81,5%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona doze daruak 72,2%.

Hosi insidénsia COVID-19 iha Timor-Leste, durante loron hitu ikus maka 0,3/100 mil abitante.

Iha loron  10 maio  2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu ida iha baixa ho COVID-19 ida.

Notísia Relevante: COVID-19: kazu detetadu pozitivu laiha no ativu na’in-25

Jornalista: Felicidade Ximenes

Editór      : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here