Ministru Edukasaun Joventude no Desportu, Armindo Maia. Imajen Tatoli/Francisco Sony

DILI, 05 maiu 2022 (TATOLI) –Ministériu Edukasaun Juventude no Desportu (MEJD) prevee Orsamentu Retifikativu (OR) hamutuk millaun $9. OR ne’e  atu apoiu estudante sira iha eskola públiku no privadu liu hosi programa bolsa estudu ba estudante ho valor di’ak, subsídiu ba eskola privadu inklui eskola Katólika sira no mós programa eskola ba uma.

“Ita aprezenta ona proposta OR ho montante millaun $9 ba komisaun C Parlamentu Nasionál. OR ne’e  atu realiza programa bolsa estudu ba estudante ho valor di’ak, subsídiu ba eskola públiku hamutuk 70% no eskola privadu 20% inklui eskola katólika no mós programa eskola iha uma ne’ebé sei sai projetu pilotu iha Dili no Atauru,” dehan Ministru MEJD, Armindo Maia iha diskusaun proposta OR ne’ebe halao iha Parlamentu Nasional.

Notisía relevante : MEJD prevee orsamentu $21.000 ba sentru komunitáriu aprendizajen

Ministru ne’e  isplika,  MEJD kria programa eskola iha uma atu apoiu labarik sira ne’ebé maka laiha oportunidade atu asesu edukasaun tanba distánsia eskola ho sira nia hela fatin dook.

“Ami identifika ona labarik barak maka labele ba eskola tanba difikuldade hanesan iha Metinaro, no Laulara, impaktu husi distánsia uma ho eskola dook. Ho ida ne’e, ami  kria programa ida ne’e atu lori eskola besik ba labarik sira  liu hosi atividade prosesu ensinu aprendizajen iha aldeia ka suku sira,” Nia hateten.

Tuir nia katak maske limitasaun tempu ba VIII governu konstitusionál atu alkansa programa sira ne’e, maibé garante katak sira sei esforsu atu ezekuta programa sira ne’e tuir duni planu ne’ebé iha ona. Tanba esperiénsia durante ne’e hatudu katak taxa ezekusaun MEJD nian kada tinan mínimu 95%.

Notisía relevante : DSEMD Ezije MEJD hadi’a kualidade iha eskola públiku

Parte seluk, iha tinan 2022 ne’e taxa ezekusaun MEJD nian iha primeiru trimestral atinje ona 30%. Tanba ida ne’e, MEJD garante katak prosesu ezekusaun ba orsamentu sira ne’e sei la iha problema.

Jornalista: Tomé Amado  

Editóra    : Armandina Moniz

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here