Xefe Sesaun Feira no Bazar Kalan, Damião Amarál. Imajen Tatoli/Celestina Teles.

COVALIMA, 04 maiu 2022 (TATOLI)–Diretór Servisu Jestaun Munisipál Mekadu no Turizmu Munisipiu Covalima, Damião Amarál, informa atu komemora loron restaurasaun independénsia ba dala-XX, autoridade liuhosi seksaun bazar kalan rejista ona negosiante na’in-tolu ne’ebé atu faan sira-nia produtu hodi partisipa iha bazar kalan.

Xefe Seksaun Bazar kalan ne’e, husu nafain ba ba negosiante sira iha postu administrativu sira iha Covalima atu bele rejistu hodi bele kontribui no partisipa iha bazar kalan ne’e.

“Lista ne’ebé mak ami rekolla ne’e ema na’in-tolu mak mai rejista ona. Nune’e, ami kontinua husu ba maluk Covalima-oan sira iha interrese atu partisipa iha bazar kalan ida-ne’e, ami hosi Servisu Jestaun Munisipál Merkadu no Turizmu hein ita-boot sira-nia prezensa atu rejistu,” Damião Amarál hateten ba Agência Tatoli, iha nia knar fatin Kampung Baru, kuarta ne’e.

Iha bazar kalan ne’e, negosiante sira sei faan kualker produtu ne’ebé sei la fó limitasaun ba negosiante sira bele mós rejista ho individu no kada postu administrativu ida bele rejista grupu ida.

Tuir planu, feira ka bazar kalan ne’e loke durante loron ualu (8) ne’ebé sei hahú iha semana oin iha iha kinta (12/5) ne’ebé sei ensera iha loron 20 maiu 2022.

“Loke bazar kalan hanesan atividade ne’ebé iha relasaun ho Servisu Jestaun Munisípal Merkadu no Turizmu nian, ne’ebé Governu prevee orsamentu hamutuk $1,500,” nia informa.

Maske daudaun ne’e foin negosiante nain-tolu (3) mak rejista maibé xefe seksaun husu nafatin ba Covalima-oan sira-ne’ebé mak iha interrese atu faan produtu sira iha bazar kalan tanba agora rejistu sei la’o hela.

Jornalista : Celestina Teles

Editór       : Cancio Ximenes.

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here