Administradór munisípiu Viqueque, Januario Soares 'Bolly'. Imajen Tatoli/Vitorino Lopes da Costa

VIQUEQUE, 04 maiu 2022 (TATOLI)-Administradór munisípiu Viqueque, Januario Soares “Bolly”, hatete munisípiu Viqueque ezekuta ona pursentu 14 iha trimestre dahuluk hosi totál Orsamentu Jerál Estadu (OJE) 2022 ho montante $4.0.

Tuir livru 3B OJE 2022, despeza jerál ba administrasaun munisipál Viqueque hamutuk tokon 4.0 ne’ebé akumula ba merenda eskolár, alfabetizasaun, konsensoens eskolár tokon $1.4, no ba projetu reapropriasaun PDIM (Programa Dezenvolvimentu Integradu ba Munisípiu) rihun $258.5. Saláriu no vensimentu $1.526,367; bens no servisu $742,150; transferénsia públika $1.438, 540; kapitál menór $40.000; kapitál dezenvolvimentu $258, 568 ho totál $4.005,625.

“Gastu atuál ba bens no servisu $80.591,00, obligasi $17,175.00, kompromisu $208,532,00, nune’e iha trimestre dahuluk ezekuta  pursentu 14 no saldu atuál sei $416.597, 00”, Januario Soares ba jornalista Tatoli iha ninia knaar fatin, kuarta ne’e.

Januario hatutan orsamentu bens no serbisu rekruta funsionáriu 18, enjiñeiru na’in sia no jestaun finansa na’in sia.

Gastu ba saláriu no vensimentu, nia dehan $334.510, 02,  obligasaun laiha, kompromisu laiha, ezekusaun pursentu 22 no saldu atuál sei $1.191,856.98. Nune’e, seidauk halo gastu ba kapitál menór no kapitál dezenvolvimentu. Transferénsia públika ezekuta ona pursentu 25 ho gastu atuál $168.297, 00, obligasi $186. 760, 00, laiha kompromisu, saldu atuál $1.083,483.00.

“Kona-ba tranferénsia públika mak liga ho merenda eskolár seidauk ezekuta, tanba ita sei hein regulamentu hosi Ministériu Adiministrasaun Estatál (MAE), maibé agora halo preparasaun hodi ezekuta”, nia haktuir.

Programa merenda eskolár sei implementa iha fulan ida-ne’e durante loron 91 ba eskola 18 iha munisípiu Viqueque.

Administrasaun Munisipál Viqueque hetan alokasaun orsamentu husi programa PNDS hamutuk tokon $7.7. Husi totál ne’e atu finansia ba atividade PNDS-F3S4 no PDNS-RSS3 rihun $783, bee-moos rihun $640 no UKL tokon $6.2.

Geografikamente Viqueque iha luan 1,781 km² ho populasaun 70,036 tuir sensu 2010 ho postu lima, suku 35 no aldeia 228.

Jornalista       : Vitorino Lopes da Costa

Editora           : Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here