Ministra Negósiu Estranjeiru no Kooperasaun, Adaljiza Albertina Xavier Magno. Imajen Tatoli /Egas Cristovão

DILI, 04 maiu 2022 (TATOLI)-Ministra Negósiu Estranjeiru no Kooperasaun, Adaljiza Albertina Xavier Reis Magno, husu ba timoroan sira ne’ebé hakarak bá servisu iha Inglaterra no Irlanda tenke trata dokumentu kompletu, nune’e labele hasoru difikuldade iha dalan klaran.

Nia rekorda timoroan barak mak sai vítima bainhira halo viajen bá Portugál, tanba dokomentu sira la kompletu.

“Husu ba timoroan sira ne’ebé atu bá servisu iha ra-liur ho privadu, antes atu aranka tenke haree didi’ak no tenke iha ona dokumentu no hetan ona servisu mak bá, nune’e labele hasoru difikuldade iha dalan klaran”, Albertina Xavier Reis Mango hateten iha Palásiu Governu Dili, kuarta ne’e.

“Timoroan ne’ebé daudaun ne’e hasoru difikuldade iha Portugál, Governu agora buka tuir hela na’in hira, ami mós la hatene númeru sira bá ne’e, ita-nia Embaixada iha Portugál mós agora fó asisténsia balu iha ne’ebá”, konklui.

Jornalsita     : Arminda Fonseca

Editór           : Zezito Silva

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here