Xefe Unidade Radiolojia HorEX Baucau, Humberto Baptista Soares, hatudu hela mákina raiu-xís ne’ebé avaria. Imajen Tatoli/Natalino Belo.

BAUCAU, 04 maiu 2022 (TATOLI) – Mákina raiu-xís iha Hospital Rejionál Eduardo Ximenes (HoREX) Baucau la funsiona durante fulan-ida ona tanba avaria hela.

Xefe Unidade Radiolojia HoREX Baucau, Humberto Baptista Soares, esplika sistema dijitál falla tanba detetor la deteta ona imajen hodi transfere ba wireless no kontinua ba monitoriza hodi halo konstrutór ba imajen sira.

Nune’e ekipa ne’ebé serbisu iha raiu-xís labele halo atendementu ba pasiente sira tanba mákina sistema digitál falla iha detetor,” Humberto Baptista Soares ko’alia iha Baucau, kuarta ne’e.

Unidade raiu-xís sei utiliza sistema konvensionál maibé presiza estabelese kuartu eskuru, instala sistema triajen no kompleta tán ho komponente seluk.

“Ami husu ba Ministériu Saúde bele fó atensaun ba ekipamentu sira-ne’e atu ita halo serbisu ho di’ak tanba ami ema tékniku,” Humberto husu.

Humberto esplika, komponente mákina sempre koneksaun ba malu liuhosi dijitál radiugrafia hanesan wireless, bateria no detetor.

Nia akresenta, maske mákina raiu-xís ne’e la funsiona fulan-ida na maibé kondisaun mákina refere hahú falla hosi 2019 nune’e diresaun halo relatóriu maibé seidauk iha resposta ruma hosi nasionál.

Jornalista    : Natalino Belo

Editór           : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here