Xefe suku Uaibobobo, postu adiministrativu Ossu, Golarte Melo Guterres.

VIQUEQUE, 04 Maiu 2022 (TATOLI)-Xefe suku Uaibobo, postu administrativu Ossu, Golarte Melo Guterres, informa durante tinan naruk populasaun suku Uaibobo la asesu liña eletrisidade, maibé  agora daudaun aldeia haat mak sente ona naroman.

“Ha’u sente governu tulun ona ha’u-nia populasaun hodi dada eletrisidade”, Golarte Melo Guterres ba jornalista Tatoli iha postu Ossu, kuarta ne’e.

Nia dehan suku Uaibobo iha aldeia hitu, aldeia sira ne’ebé asesu eletrisidade maka Sogau, Leo, Uanise, no Mundailo ho  totál uma kain hamutuk 233.

Aldeia Samaliurai no Uaitau agora daudaun projetu kontinua la’o seidauk finalizaa. Aldeia Daranau uma kain hamutuk 101 maka seidauk asesu ba eletrisidade, maibé tama ona ba prosesu konkursu, katak nia.

“Eletrisidade Timor-Leste, Empreza Públiku (EDTL, EP) atu inaugura eletrisidade iha sesta, loron 6 fulan-maiu, maibé sira informa ba ha’u dehan sei altera órariu inaugurasaun”, tenik nia. Maske seidauk inaugura, maibé komunidade utiliza ona enerjia eletrisidade hodi hein serimónia inaugurasaun.

Dokumentu sensu populasaun no uma kain 2010 rejistu suku Uaibobo ho aldeia Uanise totál populasaun ema nain tolu, mane ida, feto rua, uma kain ida; Leo totál ema nain neen, mane rua, feto haat, totál uma kain ida, Sogau totál ema 15, mane hitu, feto ualu, totál uma kain tolu; Mundailo totál ema nain 14, mane neen, feto ualu, totál uma kain tolu; Darenau totál ema 263, mane 132, feto 131, totál uma kain 70; Samaliurai totál ema 106, mane 53, feto 53, totál uma kain 24; Uaitau totál ema 188, mane 92, feto 96, totál uma kain 43.

Jornalista      : Vitorino Lopes da Costa

Editora           : Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here