Prezidente Conselho de Imprensa, Virgílio da Silva Guterres. Imajen TATOLI/Francisco Sony.

DILI, 03 maiu 2022 (TATOLI)—Conselho de Imprensa (CI) Timor-Leste, segunda ne’e, komemora loron mundiál liverdade imprensa (03 maiu) ho tema “Jornalizmu iha Ameasa Dijitalizasaun” ne’ebé hala’o iha salaun Delta Nova, Dili.

Prezidente Konsellu Imprensa (CI), Virgílio da Silva Guterres, hateten atu kombate ameasa hosi dijitalizsaun ne’e presiza halo literásia dijitál ba jornalista sira iha Timor-Leste.

Conselho de Imprensa 9CI) komemora loron munsiál liberdade imprensa liuhosi semináriu kona-ba “Jornalízmu Iha Ameasa Dijitalizasaun” iha salaun Delta Nova, tersa (03/05). Imajen Tatoli/Francisco Sony.

“Asuntu ne’e, CI kontinua enkoraja sentru formasaun sira katak CI sei diskute kona-ba asuntu literásia dijitál ba jornalista sira atu bele kombate amesa dijitalizasaun hodi hamosu kurikúlu ba fornasaun liuliu ba jornalista sira. Iha tempu badak, ita diskute no troka ideia hodi fó kuríkulu formasaun ba jornalista sira, tanba CI nia foku ne’e ba luta kapasidade jornalista sira-nian,” Prezidente CI hateten iha serimónia loron liberdade imprensa ba dala tolu (3 maiu 2022) ho tema “jornalismu ameasa ho dizitalizasaun,” iha Delta Nova, Dili, tersa ne’e.

Ameasa dijitalizasaun ne’e sai hanesan asaun kontra asaun, ne’ebé halo jornalizmu ho kualidade ne’ebé atake hosi desinformsaun sira hosi grupu balun iha komunidade nia leet.

“Agora ita moris iha era dijitalizasaun entaun ita hamutuk oinsá atu identifika ameasa saida mak durante ne’e jornalista sira enfrenta,” nia dehan.

Iha plataforma mídia online sira, komesa hadau hodi públika lalais informasaun ne’ebé nia kobre iha terrenu maibé nein lori evidénsia, faktu, laiha konfirmsaun no verifikasaun dadus ba públiku tanba ameasa dijitalizasaun ne’e.

“Ida-ne’e mak ameasa ba jornalizmu nian iha tempu agora. Entaun ba jornalizmu agora sei iha opsaun mak neineik maibé bainhira to’o, sei lori informasaun ne’ebé diferensa hanesan lori dadus no lori investigasaun. Atu dehan loloos katak jornalizmu ameasa iha dizitalizasaun nia okos,” nia dehan.

Tuir nia, jornalista sira iha Timor-Leste sei falta kapasidade atu interpreta faktu tanba jornalista la’ós atu aprezenta faktu maibé kapasidade jornalista atu interpreta faktu sira ne’ebé sira halibur.

Tanba ne’e, iha selebrasaun loron mundiál liverdade imprensa ne’e lori jornalista sira atu hanoin hikas liberdade imprensa, la’ós hatudu atividade jornalizmu hafoin durante tinan rua nia laran pandemia COVID-19 limita ema nia liverdade.

“Hafoin tinan rua nia-laran, ita-nia liberdade hetan limitasaun hosi pandemia COVID-19 maibé agora ita reorganiza ita-nia an, nune’e liberdade imprensa ne’e atu hanoin hikas, la’ós hatudu atividade jornalizmu nian liu-liu dezáfiu ne’ebé tinan ba tinan sempre aumenta tanba iha era dijitalizmu,” nia dehan.

Entretantu, Ministru Asuntu Parlamentar Komunikasaun Sosiál (MAPKOMS), Francisco Martins, hateten tempu agora presiza kapasidade internete lalais hodi bele fasilita atividade jornalístika.

“Ha’u dehan katak internete lalais liu tanba ita bele konsulta dokumentu ho lais maibé labele ameasa ba jornalista, tanba internete mós ajuda halo servisu iha atividade jornalizmu nian,” nia dehan.

Bainhira sente ameasadu, jornalista tenke defende an maibé halo kompara ho terinolojia nomós tenke ajuda hadi’a servisu jornalista sira-nian no prestasaun servisu, tanba agora ema barak hakarak haree gráfika, dokumentu sira la’ós de’it notísia ne’ebé jornalista kobre no prodús.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here