Diretòr Terras Propriedade Covalima, Helder Godinho Martins. Imajen Tatoli/Celestina Teles.

COVALIMA, 03 maiu 2022 (TATOLI)—Diretór Terras Propriedade Munisípiu Covalima, Helder Gondinho Martins informa, durante iha nia mandantu ne’e Terras Propriedade rejista kazu disputa rai hamutuk lima (5)

“Durante ha’u-nia mandatu iha ne’e besik tinan ida-resin ona, ami rejista kazu disputa rai la to’o 10, rejista kazu lima (5) hanesan ne’e de’it. Tanba, balun ami bele rezolve no kazu balun, ami haruka ba nasionál mak bele resolve,” Helder Gondinho Martins hato’o ba Agência Tatoli, iha nia knar fatin Santa Rosa, Covalima, tersa ne’e.

Tipu kazu ne’ebé terras propriedade haruka ba nasionál atu rezolve tipu kazu sira hanesan, tipu kazu halai ba krime no sidadaun sira parte rua lakohi simu malu bainhira terras propiedade halo mediasaun.

Tanba, nia dehan, papel Terras Propriedade atu hala’o mediasaun ba sidadaun sira bainhira iha disputa rai laiha konkordánsia hosi parte rua ulun toos nafatin entaun sidaduan sira lori malu ba tribunal.

Kazu dipbuta rai sira hanesan sidaduan na’in ba rai hela iha Indonézia no Austrália maibé nia família ho nia oan hela iha ne’e, entaun sira mak iha direitu halo mediasaun la’ós konta istória maibé aprezenta ho evidénsia.

“Ita seluk hela iha rai ne’e bolu dehan okupante illegal. Ema-nia sasán no baihira atu halo mediasaun mós lakohi entaun lori malu ba tribunal. Se bainhira estabelese iha komisaun terras ita bele rezolve maibé tenke aprezenta ho evidénsia la’ós konta istória,” nia dehan.

Bazea lei númeru 1/2003 ko’alia kona-ba sidadaun ne’ebé okupa ilegal ema-nia sasán faan tutan rai privadu no rai abandonadu, rai Estadu tanba lei la ko’alia ema ne’ebé mak okupante atu hetan direitu hanesan sidadaun na’in ba rai sei hela iha Indonézia, Austrália no Portugal.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here