iklan

EDUKASAUN, HEADLINE

Estudante Bolsa Hakbiit 95 integra ona iha UNITAL

Estudante Bolsa Hakbiit 95 integra ona iha UNITAL

Logotipu UNITAL. Imajen/Espesiál

DILI, 27 abril 2022 (TATOLI)–Universidade Oriental de Timor-Lorosa’e (UNITAL), tinan ne’e simu ona estudante rejime Hakbiit hamutuk na’in-95 ne’ebé integra direita hosi Fundu Dezenvolvimentu Kapitál Umanu (FDCH, sigla portugés).

“Ami simu estudante Bolsa Hakbiit ne’e ba daruak ona, primeiru ami simu estudante 35 no segundu ami simu tan estudante 60, ne’ebé totál ami simu ne’e hamutuk estudante 95,” Reitór UNITAL, Florindo Pereira, hateten ba Agência Tatoli iha ninia knaar fatin, kampus UNITAL, Becora, kuarta ne’e.

Notísia relevante: MESSK loke vaga 1.000 programa bolsa hakbiit iha tinan 2022

Estudante 95 ne’ebé integra iha UNITAL, na’in-35 partisipa prosesu ensinu aprendizajen iha tinan kotuk no agora na’in 60 foin maka integra tan iha faze daruak.  Sira adianta de’it maka iha prosesu orientasaun maibé ida-ne’e la fó impaktu ida ba prosesu ensinu aprendizajen.

“Karik tinan oin sira bele tuir filafali orientasaun tanba ida-ne’e parte ida hosi terminasaun estudante ida atu termina sira-nia estudu iha universidade ka Instituisaun Ensinu Superior ida nia laran,” nia akresenta.

Bolseiru Hakbiit ne’ebé FDCH integra ne’e enkaixa iha fakuldade tolu mak hanesan Edukasaun, Saúde no enjeñaria.

“Tanba fakuldade sira ne’e rasik mak termina atu nune’e sira bele sukat kapasidade iha prosesu aprendizajen nia laran,” nia tenik.

Jornalista : Tomé Amado

Editora     : Julia Chatarina

iklan
iklan

Leave a Reply

iklan
error: Content is protected !!