Diretór Servisu Edukasaun Munisípiu Bobonaro Crispim Moniz. Imajen Tatoli/Sérgio da Cruz.

BOBONARO, 25 abríl 2022 (TATOLI) – Diretór Servisu Edukasaun Munisípiu Bobonaro, Crispim Moniz, fó-sai katak kondisaun klima difikulta implementasaun Projetu Konstrusaun no Reabilitasaun Eskolár (PKRE) hitu iha munisípiu Bobonaro.

Projetu ne’e ne’ebé tama iha projetu komunitária hosi Ministériu Edukasaun, Juventude no Desportu (MEJD) iha tinan fiskál 2022.

Nia dehan, projetu ne’ebé seidauk implementa ne’e mak hanesan iha postu administrativu Bobonaro nian iha Ensinu Bazika Filiál (EBF) Mazop, EBF Odelgomo, EBF Molop-Taz, EBF Anapál, iha postu administrativu Lolotoe EBF, Opa-Vila no restante hosi postu administrativu Atabae.

“Ita iha projetu komunitátria ne’e hamutuk 21, agora daudan impelemtadu ne’e iha 14, hela hitu mak seidauk tanba mudansa klimátika udan, estrada ladi’ak mak seidauk implementa,” nia ko’alia iha Ensinu Bázika Sentrál (EBC, sigla portugés) Raifun, segunda ne’e.

Enkuantu Ministériu Edukasaun, Juventude no Desportu (MEJD) prevee $2.409.512,03 iha tinan ne’e hodi hadi’a eskola 21 ho sala aula 76 iha munisípiu Bobonaro ne’ebé tama iha projetu komunitária.

Iha prosesu dahaat hafoin tama ba pagamentu, hahú hosi prosedimentu ba konstrusaun ne’e kada eskola sei foti uluk fundu 25%, hafoin kompleta tiha mak sei foti tán 50% depois 75% atubele kompleta 100%.

Entretantu Eskola 21 iha Bobonaro ne’ebé tama projetu komunitáriu mak hanesan EPE Atu-Aben, EPE Rita-bou, EPE Holsa, Ensinu Báziku Sentrál (EBC,sigla portugés) Gumer, EBC Hauba, Ensinu Báziku Filiál (EBF) Dilai.

Nune’e mós EBF Kota Boot, EBF Mazop, EBF Odelgomo, EBF Oplegul, EBF Boloi, EBF Cara-bau, EBF Ana-pal, EBF Maliubu, EBF Ferik Katuas, EBF Molop-Taz, EBF Opa Vila, EBF Halekou,  EBF Rairobo, EBF Marco no ESJ Maliana.

Jornalista   : Sérgio da Cruz

Editór         : Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here