DILI, 25 abríl  2022  (TATOLI)—Ministériu Saúde, segunda ne’e, relata kazu  detetadu foun  positivu Covid-19 no rekuperadu la iha. Maibe, iha  kazu ativu 16.

“Ohin kazu detetadu foun  dan rekuperadu la iha. Iha mak  kazu ativu 16,” hateten Diretora Jerál Prestasaun Saúde, Odete da Silva Viegas  liuhosi karta komunikadu imprensa ne’ebé Agência TATOLI asesu ohin.

Nune’e, hahú 21 marsu 2020 to’o 25 abril 2022  iha kumulativu kazu konfirmadu 22.860 no óbitu 130.

Hosi horisehik to’o ohin, Laboratóriu Nasionál Saúde halo teste PCR rua, kompostu viájen internasionál rua, maibe vijilánsia sentinela, rastreiu ba kontaku, rastreiu aleatóriu no, follow up iha kuarentena laiha.

Alende ne’e, totál teste PCR ne’ebé halo iha 24 abril 2022   iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) iha 23. Parte seluk municípiu Bobonaro-Maliana iha   lima,  no Suai iha  16.

Populasaun elijível tinan 18 ba leten, ne’ebe simu ona vasina to’o iha loron 25 abril 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili hamutuk 86,6% no kumulativu 2ª doze iha Dili iha 81,5%.

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,6% no simu ona  doze daruak 72,1%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron  25 abríl  2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha baixa ho COVID-19.

Jornalista: Felicidade Ximenes

Editóra : Armandina Moniz 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here