Seremónia isár bandeira iha Munisípiu Covalima, Imajen Tatoli/Dok

COVALIMA, 25 abril 2022 (TATOLI)–Prezidente Komisaun Organizadóra, Francisco de Jesus Alves, informa atu komemora loron restaurasaun independénsia ba dala-XX (20 maiu 2022-20 maiu 2022) ne’e, Administrasaun Munisípiu Covalima sei realiza desportu komunitária no bazar kalan.

“Kona-ba preparasaun loron restaurasaun independénsia Timor-Leste, 20 maiu, ita-hahú halo ona enkontru no ita estabelese ona komisaun organizadóra nomós kada seksaun sira aprezenta ona sira-nia atividade ne’ebé atu realiza mak hanesan desportu komunitária foku ba kuda halai taru no bazar kalan hodi anima komunidade sira,” Francisco de Jesus Alves hateten ba Jornalista sira iha suku Lalawa, postu administrativu Tilomar, segunda ne’e.

Atu komemora loron restaurasaun independénsia Timor-leste la’ós realiza de’it atividade desportu komunitária no bazar kalan maibé iha mós atividade seluk ne’ebé seidauk bele fó sai tanba divizaun sira foin mak atu aprezenta nune’e semana oin sei realiza tan enkontru

Programa ne’ebé mak atu realiza Orsamentu ne’ebé seksaun sira aprezenta, seidauk halo ajusta ho didi’ak semana oin sei realiza enkontru foin deside valór orsamentu atu selebra loron restaurasaun independénsia.

Ativadade importante ne’e sei realiza 20 maiu, serimonia isar bandeira iha mos atividade seluk atu anima komunidade ne’ebé komisaun organizadora fó sai ona avizu liuhosi pajina Facebook AMC nian atu komunidade ne’ebé interrese bele rejistu iha seksaun feira bazar kalan nian.

Antes ne’e, iha loron 23 fulan-abríl tne’e, Vise-Ministru Administrasaun Estatál (MAE), Lino Torezão de Jesus, fó sai katak atu komemora loron independénsia Timor-Leste iha Nasionál prevee orsamentu hamutuk millaun $1,6

Jornalista : Celestina Teles

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here