Osan Dollar Amerikanu. Imajen/Espesiál

DILI, 22 abril 2022 (TATOLI)—Diretora Finansa Autoridade Munisípiu Dili (AMD), Ana Fernanda G. Junior, informa iha trimestre dahuluk (janeiru-marsu) ne’e AMD ezekuta ona verba Orsamentu Jerál Estadu (OJE) 2022 atinji ona 25,54%.

“Hahú hosi janeiru to’o 31 marsu ne’e, Autoridade Munisípiu Dili ezekuta ona 25,54%, ne’ebé ekivalente ho osan hamutuk $10,254,754.44,” Ana Fernanda G. Junior, hateten ba Agência Tatoli, iha nia knar fatin, Matadouru, Díli, sesta ne’e.

Hosi montante orsamentu $10,254,754.44 ne’e fahe ba kategória haat (4), ne’ebé kompostu hosi saláriu no vensimentu 21% ho nia saldo 2,621,567.00, bens servisu 25% ho nia saldo 4,717,141.00, kapitál dezenvolvimentu 26% ho nia saldo 521,966.00 no transferensia públika 33% ho nia saldo 2,370,966.00.

Hosi ezekusaun 25,54% ne’e, AMD ezekuta ba pagamentu saláriu funsionáriu permanente, kontratadu no ajente administrasaun, nune’e iha bens servisu ezekuta ba kaereta raut foer iha kapitál díli.

“Iha transferensia ne’e, ezekuta ba operasionál ita-nia servisu munisipál saúde, edukasaun no sekretáriadu rasik. Nune’e, ba transferensia ne’e mós ita ensentivu ba suku sira, nune’e mós ba merenda eskolár iha eskola,” nia dehan.

Nune’e, iha portál transferensia Orsamentu Jerál Estadu (OJE) 2022, ba Autoridade Munisípiu Dili (AMD), nia orsamentu 2022 hamutuk $10,254,754.44, ne’ebé ezekuta ona 20.4%.

Jornalista : Nelia Fernandes

Editór       : Cancio Ximenes  

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here