Ekipa Ministériu Saúde halo enkontru ho reprezentante media sira hodi troka ideia kona-ba kobertura sira realsiona ho kombate Covid-19 iha Timor-Leste. Iha salaun Ministériu Saúde, kinta (21/04). Imajen Tatoli/Francisco Sony

DILI, 21 abríl 2022 (TATOLI)— Ministériu Saúde (MS) hahú halo planu asaun integradu ho mídia nasionál sira atubele divulga informsaaun loloos ba komunidade sira kona-bá importansia vasinasaun COVID-19.

“Ami halo enkontru ho mídia sira atu fó hanoin ba malu atubele hadi’ak di’ak liután estratéjia hodi hato’o informasaun ba komunidade sira liuliu ba vasinasaun COVID-19 nian,” Diretór Jerál Servisu Koorporativu Ministériu Saúde, Marcelo Amarál ba jornalista sira iha salaun Pálasiu Sinzas-Caicoli, kuarta ne’e.

Diretor Jerál Serbisu Kooperativu, Ministériu Saúde, Marcelo Amaral. Imajen Tatoli/Francisco Sony.

Tanba, Diretór ne’e dehan papél mídia nasionál importante tebes atubele fó sai informasaun sira ho loloos no tuir karatéristika sosiedade nian atu hasa’e taxa partisipasaun sidadaun nian iha programa imunizasaun.

Mídia mós hanesan parseiru importante atubele lori informasaun di’ak ba komunidade sira nomós lori papél importante atu eduka komunidade sira ho informasaun ne’ebé loloos hosi Ministériu Saúde.

Nune’e, MS hahú koordena ona ho Ministériu Asuntu Parlamentár no Komunikasaun Sosiál atu koopera ho mídia nasionál sira hodi divulga informasaun edukativu ba komunidade hodi simu vasina COVID-19.

“Ita bele identifika modelu informasaun ba komunidade no finanseira hira atu ita bele buka mekanismu liuhosi fundu COVID-19 hodi apoia liután mídia sira atubele hato’o informasaun loloos ba komunidade,” nia akresenta.

Iha biban hanesan, Diretór Nasionál Deziminasaun Informasaun (DNDI) iha Ministériu Asuntu Parlamentár Komunikasaun Sosiál (MAPKOMS), Estevão Belo, hateten MS no MAPKOMS atubele organiza mídia hodi servisu hamutuk hodi divulga informasaun ba komunidade kona-ba vasinasaun COVID-19.

“Ita mai tau hanoin hamutuk atubele halo planu asaun ba atividade ne’e sai susesu  liuhosi halo kobertura di’ak  ba COVID-19 , nune’e komnunidae sira bele hatene di’ak liután  no bele simu  sira nia vasinasaun,” nia afirma.

Partisipasaun enkontru husi parseiru sira husi UNICEF, Diretór nasionál sira hosi Minsitériu Saúde no MAPKOMS inklui mídia eletrónika,online no imprime.

Notísia relevante: COVID-19: kazu rekuperadu na’in-10 no ativu 13

Jornalista : Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here