Logotipu PNTL

VIQUEQUE, 19  abríl 2022 (TATOLI) – Komadante Polísia Nasionál Timor-Leste (PNTL) Munisípiu Viqueque, Superintendente Polísia Sebastião Alves Quintão, informa autoriedade polisiál liuhosi unidade Batailaun Orden Públiku (BOP) detein joven nain rua ne’ebé halo intervensaun ba prosesu kontajen votu iha sentru votasuan Maluru Komu, suku Makadique, Postu Uatulari.

“Iha sentru votasaun maka kuandu iha barullu, lanu atu halo disturbu, ne’e polísia tenke halo atuasaun. Hanesan agora dadaun akontesementu iha suku Makadique suspeitu na’in rua ne’ebé maka halo barullu ami kaptura tau hela iha eskuadra PNTL Uatulari”,  Komadante Polísia Nasionál Timor-Leste (PNTL) Munisípiu Viqueque, Superintendenti Polísia  Sebastião Alves Quintão, hateten ba jornalista TATOLI, iha nia knaar fatin, tersa ne’e.

Tuir kronojia akontesementu iha suku Makadique maizumenus tuku 15;20 lokarik suspeitu inisiál LN idade 28 hosi aldeia Bubulaco, suku Makadique no suspeitu inisiál JP ho idade 31, aldeia Makadique, suku Makadique. Suspeitu LN hemu lanu no baku kalen iha sentru votasaun Maluru Komu, nune’e BOP halo detensaun LN nia kolega JP halo intervensaun ba no na’in rua ne’e BOP hatama kareta. Iha akontesementu ne’e   joven sira tuda kareta PNTL nian rejulta kareta vidru oin no sorin parte kondutór mak hetan estragu.

Quintão afirma, PNTL sei la husik kualker ema ne’ebé ho intensaun aat atu destrui iha fatin kontajen iha sentru votasaun sira iha munisípiu Viqueque tanba antes ne’e  komandu  munisípiu Viqueque fó orden ba membru sira ne’ebé ba destaka iha sentru votasaun sira, nune’e membru PNTL tau matan ba sentru votasaun hodi asegura.

Komadante ne’e revela, apuramentu munisípiu Viqueque PNTL kontinua halo vizilánsia hodi asegura situasaun.

 Jornalista: Vitorino Lopes da Costa

Editór : Zezito Silva

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here