Ekipa STAE halo kontajen votu eleisaun prezidensial segunda volta iha sentru votasaun Sentru Juventude Bebora, Dili, tersa (19/04). Imajen Tatoli/Francisco Sony.

DILI, 20 abríl 2022 (TATOLI)—Xefe Observadór Misaun Observasaun Eleitorál Uniaun Europeia (MOE UE), Domenec Ruiz Devesa, hateten kontanjen votu iha eleisaun prezidensiál segunda volta ne’e lalais no di’akliu.

“Preparativu sira ba votasaun organizadu tebes hosi parte autoridade eleitorál sira no loron eleisaun la’o ho kalma tuir orden. Nune’e mós prezensa fiskál sira hosi kandidatu ida-idak no observadór nasionál sira-ne’ebe mak halo prosesu ne’e sai transparente,” Xefe Observadór MOE UE ne’e hateten rezultadu observasaun elisaun segunda volta liuhosi koneferénsia imprensa iha Hoetl Timor, Dili, kuarta ne’e.

Domènec Ruiz Devesa deklara, durante ne’e Uniaun Europeia nia observadór sira avalia prosesu votasaun no kontajen pozitivu tebes iha eleisaun segunda volta nian.

Eleisaun sira-ne’e kompetitivu no kampaña hala’o ho maneira pasifiku tebes, ne’ebé iha atake pesoál uitoan iha rede sosiál iha loron ikus.

Iha kampaña ne’e, tuir nian númeru husi feto sira-ne’ebé partisipa iha eventu kampaña ne’e ki’ik tebes, maske iha aumentu hosi feto nia partisipasaun ativu nu’udar oradór, asuntu empoderamentu feto hetan menus atensaun duké iha kamapaña primeira volta ne’e.

Aleinde ne’e, nia ibforma, iha eleisaun segunda volta ne’e emisora públika Rádiu Televizaun Timor-Leste (RTTL, E.P) fornese kobertura editoriál ekuitativa ba kandidatu na’in-rua.

Estasaun TV privadu Grupu Media Nacional (GMN TV) kontinua favorese Ramos Horta nia kandidatura no RTTL, E.P fornese kobertura notisioza ba Lù-Olo, enkuantu GMN TV nia notisiáriu aprezenta Ramos Horta dala ruano liután duke Lú-Olo nian.

“Misaun nia prezensa permanente iha país ne’e hahú fulan-fevereiru nia laran no ninia konkluzaun sira bazea ba observasaun direta besik eventu kampaña 200 no entrevista ema liu hamutuk 1.000. Iha loron eleisaun, observadór UE na’in-40 relata liuhosi 160-resin estasaun votu iha munisípiu 12 no Rejiaun Administrativa Espesiál Oé-Cusse Ambeno,” nai dehan.

Deklarasaun preliminár MOE UE ida-ne’e entrega antes prosesu eleitorál tomak ramata maibé sei hela etapa importante sira, inklui rezultadu finál no desizaun ba reklamasaun karik iha, MOE UE mantein nafatin iha país hodi observa prosesu eleitorál to’o ramata.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here