Kandidatu PR, J Imajen Tatoli/Antonio Daciparu

COVALIMA, 20 abríl 2022 (TATOLI)–Rezultadu apuramentu eleisaun prezidensiál segunda volta hosi munisípiu covalima hatudu kandidatu prezidente repúblika ho númeru sorteiu ida, José Ramos Horta lidera ho votu 25,462 (68,89%) no kandidatu Prezidente Repúblika ho númeru sorteiu rua (2) halibur votu 11,496 (31,11%).

Kontazen hosi ofiál Sekretáriadu Tékniku administrasaun eleitorál (STAE) iha Covalima hahú halo apuramentu iha tersa tuku 19h45 kalan no finaliza iha kuarta tuku 15h45 lorokoraik hosi sentru votasaun 80 no estasaun votasaun 92

Iha STAE Covalima, eleitór ne’ebé partisipa iha eleisaun segunda volta hamutuk 47.495 maibé votante ne’ebé konsege ezerse direitu votu iha loron 19 fulan-abríl ne’e, eleitór hamutuk 37,265 ho taxa partisipasaun 78,46%, votu validu 36,958 (99,18%) no rejistu votu nulu hamutuk 212 (0,57%), votu branco hamutuk 86 (0,23%) no votu reklamadu 8 (0,02%) no votu abandonadu ida.

“Ha’u bele le-sai rezultadu apuramentu munisípiu Covalima, kandidatu prezidente repúblika númeru sorteiu ida ho votu validu hamutuk 25.462 no kandidatu ho númeru sorteiu rua Francisco Guterres Lú-Olo hamutuk 11.496,” Diretór STAE Covalima, Francisco Gusmão, hato’o liuhosi konferensia imprensa, hafoin halo apuramentu munisípál iha salaun STAE Covalima, Kampung Baru, kuarta ne’e.

Enkuantu, iha prosesu eleisaun to´o apuramentu hetan seguransa másimu hosi Polísia Nasionál Timor-Leste (PNTL) no mós hetan supervizaun hosi Comisaun Nasionál Eleisaun (CNE, sigla portugés) no observadór internasionál hosi Uniaun Europeia (UE), Provedoria Direitu Humanu no Justisa (PDHJ) ne’ebé akompaña direta hosi fiskál kandidatura na’in-rua. Durante prosesu eleisaun ne’e realiza, parte CNE koloka ofisiál monitorizasaun hamutuk na’in-103 hamutuk ho brigada 80 no polin-staf na’in-920

Tuir planu STAE Covalima sei transporta materiál eleisaun ba nasionál iha loron 21 fulan-abríl tinan ne’e hodi kontinua hala’o apruramentu nasionál.

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here