LAUANA, 19 abril 2022 (TATOLI) – Kandidatu Prezidente Repúblika períodu 2022-2027 ho númeru sorteiu 1, José Ramos Horta, manán ho votu 1.143 iha suku Lauana Postu administrativu Letefoho, Munisípiu Ermera.

Iha sentru votasaun suku Lauana iha tolu mak hanesan sentru votasaun Eskola bázika Aimetrema Horta hetan votu 513, sentru votasaun juventude 459 no sentru votasaun eskola básica filiál Leubasa ho votu 201.

Enkuantu kandidatu ho númeru sorteiu 2, Francisco Guterres ‘Lú Olo’ ho votu 234, iha iha ne’ebé sentru votasaun Eskola bázika filiál Leubasa 159, Sentru Votasaun juventude Lauana 29 no sentru votasaun Aimetrema 46.

Totál votante iha suku Lauana hamutuk 1.885, iha ne’ebé eleitór 1.142 depozita konfiansa ba kandidatu Prezidente José Ramos Horta ho númeru sorteiu 1, no eleitór 234 eleje kandidatu númeru 2, Francisco Guterres ‘Lú Olo’. Husi númeru ne’e, eleitór balun mós la partisipa iha eleisaun segunda volta ne’e.

Iha Sentru votasaun tolu iha suku Lauana ne’e hetan monitorizaun husi observadór nasionál, fiskál husi kandidatu sira, brigadista, ofisiál eleitorál husi Sekretariadu tékniku administrasaun eleitorál (STAE) no Komisaun nasionál ba eleisaun (CNE, sigla portugés) no hetan seguransa másima husi Polísia Nasionál Timor-Leste (PNTL).

Entretantu, tuir dadus STAE rejista 859.613 eleitór elejível iha territóriu nasionál no diáspora – 852.500 rejista iha nível nasionál no 7.113 iha estranjeiru.

Iha eleisaun primeira volta, kandidatu Prezidente Repúblika períodu 2022-2027, José Ramos Horta, manán ho votu 1.099 iha suku Lauana no Francisco Guterres ‘Lú Olo’ ho votu 136

Jornalista: Anito soares

Editór: Rafy Belo

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here