Estudante Sekundára CAFE Maliana, simu hela vasina Pfizer doze dahuluk. Imajen Tatoli/Sérgio da Cruz.

DILI,14 abríl 2022  (TATOLI)—Ministériu Saúde (MS) relata kazu detetadu pozitivu na’in-tolu, rekuperadu  ida no kazu ativu 17.

“Kazu detetadu foun, ohin (14/04) na’in-tolu, rekuperadu ida no kazu ativu 17,” hateten Diretora Jerál Prestasaun Saúde, Odete da Silva Viegas liuhosi nota ne’ebé Agência TATOLI, kinta ne’e. 

Nune’e, hahú 21 marsu 2020 to’o 14 abríl 2022  iha kumulativu kazu konfirmadu 22.851 no óbitu 130.

Hosi horisehik mai ohin, Laboratóriu Nasionál Saúde halo teste PCR  245,  kompostu vijilánsia sentinela tolu, rastreiu ba kontaku laiha, rastreiu aleatóriu ida, viájen internasionál 241, follow up iha kuarentena laiha

Alende ne’e, totál teste PCR ne’ebé halo iha 13 abril 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 41, kompsotu  hosi Maubisse laiha,  Maliana  ualu, Viqueque tolu , Suai tolu,  Baucau laiha, Ermera laiha, RAEOA haat, HNGV  30, Lautém laiha, Vera-Cruz laiha no Manufahi laiha.

Populasaun elijível tinan 18 ba leten, ne’ebé simu ona vasina to’o iha loron 14 abril 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (86,5%) no kumulativu 2ª doze iha Dili (81,3%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 84,5% no simu ona doze daruak ,72,0%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante.

Iha loron  14 abríl 2022, izolamentu Vera-Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha no  baixa ho COVID-19  mós laiha.

Notísia relevante: COVID-19: kazu detetadu pozitivu na’in-haat no ativu 15

Jornalista: Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here