Diretór Ezekutivu CNC, I.P, Hugo Maria Fernandes. Imajen TATOLI/Joanico de Araújo

DILI, 13 abril 2022 (TATOLI)—Diretór Ezekutivu Centro Nacional Chega, Institutu Públiku (CNC, I.P), Hugo Maria Fernandes, relata iha trimestre dahuluk ne’e CNC ezekuta ona verba Orsamentu Jerál Estadu (OJE) 2022 atinje ona 18% ne’ebé ekivalente ho osan hamutuk $2,547,331.00.

“Iha OJE 2022 trimestre dahuluk nian to’o iha fim marsu ne’e, CNC ezekuta ona 18%,” Hugo Maria Fernandes hateten ba Ajénsia Tatoli iha nia knar-fatin, Balíde, Dili, kuarta ne’e.

Hosi 18% ne’e fahe ba kategória haat (4) ne’ebé kompostu hosi saláriu no vensimentu 21% ho nia saldo $782,943.00, bens servisu 12% ho nia saldo $791,079.00, kapitál dezenvolvimentu 10% ho nia saldo $561,710.00 no transferénsia públika 33% ho nia saldo $410,400.00.

Iha trimestre dahuluk ne’e, CNC iha atividade hamutuk 60 no hosi totál atividade ne’e CNC konsege atinje kuaze 49 atividade, no iha atividade sira-ne’e maioria relasiona ho atividade iha programa mak reparasaun ba sovrevivente, programa hakbiit ba sobrevivente, programa parseria ne’ebé liuhosi enkontru no asina nota entendimentu.

Nune’e mós, programa jestaun institusionál, programa nasionaliza no internasionaliza Chega, programa transmisaun memória no programa seluk mak Chega iha edukasaun formál, programa peskiza istóriku, programa dezenvolve arkivu.

Alende ne’e, CNC fó mós apoia finansiál ba Asosiasaun Vítima Konflitu Polítiku no Asosiasaun Eis-Prezioneiru Polítiku sira.

Ba programa hirak ne’e, CNC aprezenta proposta ba Komité Revizaun Orsamentu Polítiku (KROP) kona-ba tetu Orsamentu Jerál Estadu 2022, CNC husu adisionál hamutuk $381,108.

Entretantu, iha portál transferénsia Orsamentu Jerál Estadu (OJE) 2022, Centro Nacional Chega, Institutu Públiku (CNC, I.P) nia orsamentu 2022 hamutuk $2,547,331.00 ne’ebé ezekuta ona 19,4%.

Jornalista : Nelia Fernandes

Editór      : Cancio Ximenes    

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here