Ministra Saude, Odete Belo, vasina hela estudante Colesio St. Inacio de Loiola Casait. Imajen TATOLI/Hortencio Sanchez

DILI, 12 abríl 2022 (TATOLI)— Tuir dadus estatístika hosi Ministériu Saúde (MS), hahú 21 marsu 2020 to’o 11 abríl 2022, rejista sidadaun ne’ebé konsege rekuperadu hosi COVID-19 hamutuk 22.697 no óbitu 130.

Ministra Saúde (MS), Odete Maria Freitas Belo, informa durante situasaun COVID-19 profisionál Saúde konsegue fó tratamentu ba ema moras COVID-19 hamutuk 22.698 no mate na’in 130.

“Durante ne’e,ita-nia profisionál saúde fó tratamentu ba ema pozitivu COVID-19 ne’ebé konsege rekupera hamutuk 22.697 no mate hamutuk 130. Óbitu hirak ne’e la’ós mate tanba COVID-19, maibé antes sira iha ona moras balun exemplu hanesan ita-nia maluk sira ne’ebé mak fase raan, hipertensaun struck, nune’e bainhira COVID-19 afeta sira-nia imunidade kiik no sira la konsege rekupera  tanba ho situasaun ne’ebé mak sira nia saúde rasik la forte hodi hasoru moras ida ne’e,” Ministra Odete hateten iha programa  meet the press iha Palásiu Governu Dili segunda ne’e.

Nune’e, hahú 21 marsu 2020 to’o 12 abríl 2022 iha kumulativu teste hamutuk 259.111, hosi númeu ne’e kazu konfirmadu 22.842, rekuperadu 22.698 no óbitu 130.

Atu kombate COVID-19, Governante ne’e dehan kontinua hala’o atividade vasinasaun ba populasaun sira ne’ebé seidauk hetan vasina.

Daudaun ne’e, Populasaun elijível tinan 18 ba leten iha territóriu nasionál, ne’ebe simu ona vasina doze dahuluk 84,3% no kumulativu doze daruak doze iha Dili 71,6%.

Labarik ho idade 12 too menus 18 ne’ebé simu ona vasina Pfizer doze dahuluk 64.7% no doze daruak 23,5%. Enkuantu vasina Booster ka vasina doze datoluk atinje ona 5,2%.

“Ami kontinua buka tuir 22% ka metade husi 86% ne’ebé mak seidauk vasina, nune’e sira tenke ba fali hodi simu sira nian doze daruak tanba ita mós sei hahú fali fó doze datoluk nian,” nia akresenta.

Iha loron 11 abríl,  iha kazu pozitivu foun laiha, rekuperadu ida no kazu ativu 14.

Hosi horisehik mai ohin, Laboratóriu Nasionál Saúde halo teste PCR  21, kompostu vijilánsia sentinela laiha, rastreiu ba kontaku laiha, rastreiu aleatóriu laiha, viájen internasionál 21, follow up iha kuarentena laiha.

Alende ne’e, totál teste PCR ne’ebé halo iha 10abril 2022 iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 45 hanesan Maubisse laiha, Maliana   la iha, Viqueque tolu, Suai haat, Baucau laiha Ermera laiha, RAEOA haat , HNGV  37  Lautém laiha, Vera Cruz laiha no Manufahi laiha.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante.

Iha loron 11 abril 2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu laiha baixa ho COVID-19 la iha.

Notísia Relevante: COVID-19: kazu rekuperadu na’in-ida no ativu 14

Jornalista: Felicidade Ximenes

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here