Vitima ne'ebe deskonfia ema ho defisiénsia mentál oho ema na’in-rua iha suku Fahilebo-Liquica.Imajen/espesial

DILI, 07 abríl 2022 (TATOLI)— Komandante Polísia Nasional Timor-Leste (PNTL) Munisipiu Liquiça, Superintendente Umbelina Soares, informa kazu omesídiu ne’ebé akontese ne’e deskonfia ema ho defisiénsia mentál mak lori katana oho ema nain-rua iha suku Fahilebo, postu admistrativu Bazartete, Munisipiu Liquiça.

Tuir kronolojia, kazu ne’e akontese iha kinta (07/4), tuku 9:00 dader, bainhira komunidade sira iha suku Fahilebo, hamoos hela duut ba preparasaun simu Illas São João de Brito, ne’ebé atu vizita komunidade sira iha suku Fahilebo, maibe derepente suspeitu taa mate vitima na’in-rua ne’e.

Vitima ne’ebe deskonfia ema ho defisiénsia mentál oho ema na’in-rua iha suku Fahilebo-Liquica.Imajen/espesial

“Kazu ne’e, ha’u seidauk simu kronolojia loloos, maibé informasaun preliminár katak suspeitu ne’ebé oho vítima nain-rua iha lokál krime ne’e ema moras mentál ida. Tuir Informasaun katak nia (suspeitu ne’e) mai ka’er mós katana hamoos hela duut, hafoin derepente nia  taa mate tiha ema nain-rua ne’e,”Superintendente Umbelina Soares, hateten ba Agência TATOLI via telefónika, kinta ne’e.

Komandante munisípiu Liquiça ne’e informa, hafoin suspeitu halo tiha asaun omesídiu ne’e, halai lakon hosi fatin akontesimentu.

“Vítima nain-rua ne’e nia inisál ES no FdS mate fatin kedan. Nune’e kazu ne’e Membru sira hala’o hela investigasaun iha hela lokál krime no suspeitu ba kazu ne’e ita seidauk detein tanba nia halai lakon. Daudaun buka tuir hela atu halo detensaun,” nia akresenta.

Jornalista: Natalino Costa

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here