Mediku prepara hela aimoruk Vasina AstraZeneca hodi kontra Covid-19. Iha Sentru Saúde Formoza Dili, kuarta (09/02). Imajen Tatoli/Francisco Sony

DILI 06 abríl  2022  (TATOLI)— Ministériu Saúde  (MS) relata,  kazu detetadu pozitivu foun laiha, rekuperadu laiha no kazu ativu na’in-sia.

“Ohin kazu detetadu foun  laiha, rekuperadu laiha no kazu ativu na’in-sia,”Diretora Jerál Prestasaun Saúde, Odete da Silva Viegas, hateten liuhosi nota ne’ebé Agência TATOLI asesu, kuarta ne’e.  

Nune’e, hahú 21 marsu 2020 to’o 06 abril 2022  iha kumulativu kazu konfirmadu 22.836 no óbitu 130.

Hosi horisehik mai ohin, Laboratóriu Nasionál Saúde halo teste PCR  141,  kompostu vijilánsia sentinela laiha, rastreiu ba kontaku laiha, rastreiu aleatóriu rua, viájen internasionál 139 no follow up iha kuarentena laiha.

Alende ne’e, totál teste PCR ne’ebé halo iha 05 abríl 2022  iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 97 hanesan Maubisse laiha,  Maliana 15, Viqueque tolu, Suai lima, Baucau laiha, Ermera laiha, RAEOA laiha, HNGV  74, Lautém laiha, Vera-Cruz laiha no Manufahi laiha.

Populasaun elijível tinan 18 ba leten, ne’ebe simu ona vasina to’o iha loron 03 abril 2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (89,6%) no kumulativu 2ª doze iha Dili (84,1%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 86,2% no simu ona doze daruak 73,2%.

Hosi insidénsia COVID-19 iha Timor-Leste, durante loron hitu ikus maka 0,2/100 mil abitante.

Iha loron  06 abril  marsu  2022 , izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu la iha baixa ho COVID-19 la iha.

Notísia Relevante: COVID-19: kazu detetadu pozitivu na’in-haat no ativu sia

Jornalista: Felicidade Ximenes

Editór       : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here