Matebian Diákonu Baltazar Pires, SDB. Imajen/Espesiál.

DILI, 05 abríl 2022 (TATOLI)—Antigu Alunu no Kongregasaun Salesiano iha Timor-Leste no iha mundu sente deve hela matebian Diákonu Baltazar Pires, SDB (Salesiano Don Bosco), tanba ninia dedikasaun no domin ba foinsa’e Timor-Leste liu-liu ba foinsa’e sira-ne’ebé buka matenek iha Koléjiu Don Bosco Fatumaca, Gariuai, Baucau.

Diákonu Baltazar Pires, SDB, hakotu iis iha Hospital Nasional Guido Valadares (HNGV) iha tuku 08h30 kalan ho idade 81 tanba moras komplikadu.

Família no Kongregasaun Salesiano lori kedas diákonu nia mate-isin ba iha Komunidade Salesiano Don Bosco Comoro hodi halo misa no orasaun.

Diakonu Baltasar, SDB, nu’udar misionáriu Salesiano ida ne’ebé moris iha 24 fevereiru 1942 iha Portugal no hakotu iis iha Timor-Leste iha 04 marsu 2022. Durante ne’e, iha ninia serbisu pastorál nian hala’o ninia serbisu iha koléjiu Fatumaca hodi serbi foinsae timor-oan liuhosi formasaun umana no espiritual tuir Don Bosco nia ain fatin. 

Matebian Diákonu Baltazar Pires, SDB. Imajen/Espesiál.

“Ha’u hanoin antigu alunu no kongregasaun Salesiana rasik, ita debe makaas ba ninia moris no dedikasaun tomak ba ita, liu-liu ninia favór hotu. Ita nunka sei selu liu-liu sira hirak ne’ebé mak liuhosi koléjiu Fatumaca. Ha’u hanoin nia mós la’ós ema ida-ne’ebé mak ko’alia barak maibé nia ema ida-ne’ebé mak dixiplinadu tebes iha ninia asiténsia Salesiana hodi tau matan foinsa’e sira no irmaun Salesiano iha koléjiu Fatumaca no mos iha Comoro,” Irmaun Adriano do Nascimento, SDB, ba Agência Tatoli, iha Don Bosco Comoro, Dili, tersa ne’e.

Diákonu Baltazar Pires, SDB, hanesan ema ida-ne’ebé kuñesidu ho dedikasaun ida-ne’ebé hanorin foinsa’e sira atu hatene dixiplina iha kualker situasaun liu-liu dixiplina hodi banati Don Bosco nia hanorin mak dixiplina estuda, halimar, haksoit, bidu, hananu maibé labele halo sala.

“Ha’u hanoin nia ema ida-ne’ebé mak kuiñesidu ho naran Padre Baltazar Pires, SDB. No ha’u hanoin diákonu ne’e mós moras kle’ur ona. Dezde tinan 1990, nia hala’o ona ninia tratamentu médika iha Indonésia no doutór sira halo operasaun ba ninia rins. Nune’e, kuandu bainhira fila-fali mai iha Timor no ninia rins ida de’it mak funsiona,” nia fó hanoin fali.

Hahú hosi ne’eba kedas hemu aimoruk hodi halo tratamentu ba ninia moras no bainhira iha tempu ukun an liu-liu iha fulan dezembru 2017, lori diakonu Baltazar Pires ba iha Singapura hodi kontinua halo tratamentu ba ninia moras.

Iha fulan-abril 2018, hafoin dominus Ramos, Salesiano no Antigu Alunu sira lori ba Malásia liu-liu ospitál Penan durante fulan tolu tanba problema ho ninia kakorok kotuk ninia ruin mak tohar no dodok, entaun lori nia ba iha Malázia atu halo operasaun.

Hafoin halo tratamentu iha Malázia, nia fila-fali mai iha Timor-Leste, no antes pandemia COVID-19, kada fulan neen ka semstre lori nia ba iha Malázia hodi halo kontrolu ba ninia saúde. Maibé, foin lalais ho presenza COVID-19 laiha ona posibilidade ba halo tratamentu iha Malázia to’o nia hakotu iis.

“Entaun, buat ne’ebe mak ami halo mak kontaktu nafatin ho médiku sira no sosa de’it ai-moruk hodi konsumu, maibe iha fulan hirak liubá mak nia sente kondisaun saúde todan mak hanesan moras korasaun inklui moras rins mós problema hotu,” nia dehan.

Matebian Diákonu Baltazar Pires, SDB. Imajen/Espesiál.

Iha Hospitál Nasionál Guido Valadares, médiku sira halo atendimentu ba ninia moras fuan nian iha sala emerjénsia no kontinua halo ninia tratamentu iha sala Verry Important Person (VIP) no kongregasaun Salesian halo ona koordenasaun ho Governu liu-liu Ministériu Asuntu Kombatente Libertasaun Nasionál buka posibilidade atu lori nia ba iha Indonésia atu halo tratamentu.

Maibé, esforsu tomak ne’ebé halo to’o ikus mos dokumentu sira hotu kompletu ona maibe doutor sira la fó rujukan ba iha Indonézia tanba ho kondisaun ida-ne’ebe mak ladún di’ak ona.

“Entaun, ha’u ho padre Manuel Pinto hasoru malu fila-fali ho doutór sira atu lori nia ba iha Komunidade Salesiana iha Comoro mak hakotu nia iis iha Comoro, maibe hodi kalan ho horas 08h30 hakotu nia iis iha HNGV.

“Buat ne’ebé mak ami planu labele sai fali realidade, no ikus mai mate duni iha HNGV,” nia haktuir.

Tuir orariu katak iha loron 06 marsu 2022 sei halo misa fúnebre ba Diákonu Baltazar Pires, SDB, nia mate-isin iha Dili ho tuku 05h30 dadeersan, hafoin misa sei transporta kedas Diákonu Baltazar Pires, SDB, nia mate-isin ba Fatumaca-Gariuai-Baucau.

Iha tuku 15h00 lorokraik sei selebra misa fúnebre iha Santúario Maria Auxiliadora Fatumaca ne’ebé sei prezide hosi Arsebispu Arkidioseze Metropolitana Dili, Don Vírgilio do Carmo da Silva, SDB, no hafoin misa sei lori no ba hatuur iha fatin hakmatek ikus nian, iha simetériu Uaibeana-Gariuai-Baucau.

Biografia

Biografia badak ne’e hakerek hosi Don Carlos Filipe Ximenes Belo, SDB, iha Lisboa-Portugal iha loron 04 fulan-abríl tinan 2022. Biografia ne’e hakerek ho dalen portugés no Agência Tatoli, I.P sita hosi Don Carlos Filipe Ximenes Belo, SDB, nia pájina rede sosiál (facebook).

Diácono Baltazar Pires, SDB, filho de Firmino Pires e de Isabel Maria Lopes, Baltazar Pires nasceu em Genízio, Concelho de Mirando do Douro e Distrito de Bragança e Diocese de Bragança (Portugal) no dia 24 de fevereiro de 1941. Foi batizado no dia 2 de março do mesmo ano, no lugar de Genízio. Recebeu o sacramento da confirmação, no dia 7 de maio de 1950.

Frequentou a Escola Primária da terra, de 1948 a 1952. Feita a instrução primária, entrou no Seminário salesiano de Poiares da Régua, a 3 de setembro de 1952, permanecendo ali até 1955. De Poiares da Régua, passou para o Seminário de Mogofores (1955-1958). A 15 de agosto de 1958, entrava no Noviciado, em Manique do Estoril (1958/1959), e professou no dia 16 de agosto de 1959. Frequentou a Filosofia em Manique (1959-1963); fez o tirocínio em Macau, sendo assistente e professor no Colégio Dom Bosco (1963-1966).

No dia 16 de agosto de 1965, em Cheung Chau (Hong Kong), o tirocinante Baltazar Pires fez a profissão perpétua na Congregação Salesiana. Para os estudos de Teologia, foi enviado a Sanlúcar la Mayor, Sevilha (Espanha), onde permanece até 1970. Recebeu a ordenação diaconal em Sevilha, no dia 20 de junho de 1970.

Em 1970 partia para Timor Português, aonde chegou a 10 de novembro de 1970. Foi colocado na Casa salesiana de Baucau (1970/1971). Na sede da Missão de Baucau, o diácono Baltazar era professor, no Ciclo Preparatório, ao mesmo tempo que era encarregado dos acólitos e da Cruzada Eucarística. No ano de 1971, foi transferido para o Colégio de Fatumaca, onde permanece até o ano de 2007. Exercia o cargo de conselheiro e professor. Em Fatumaca, assistiu aos acontecimentos do golpe da UDT e o contragolpe da Fretilin. Em dezembro de 1975, foi testemunha do avanço das tropas indonésias para Gariwai e Berecoli.

No ano de 1978, em plena invasão das tropas indonésias a Timor-Leste, os superiores tomaram a decisão de mandar o Diácono Baltazar Pires, então conselheiro e professor na Escola Técnica de Fatumaca, para aprender a língua indonésia, na ilha de Java, concretamente, na cidade de Yogyakarta, uma cidade célebre por ser a sede do sultanato de Java. Após o regresso a “Timor Timur”, continuou a exercer o cargo de conselheiro de estudos e professor no Colégio de Fatumaca.

Em outubro de 1989, visitava Timor Sua Santidade, o Papa João Paulo II (hoje é santo). O diácono Baltazar Pires foi convidado para servir o altar, e durante a celebração eucarística celebrada pelo Pontífice, teve a dita de proclamar o Evangelho.

Durante o tempo da ocupação indonésia, Baltazar Pires foi sempre discreto nas suas palavras e atitudes, em relação às autoridades indonésias, preocupando-se apenas com a educação dos alunos.

Rejubilou com o povo timorense, no dia 20 de maio de 2002, quando foi restaurada a independência da República Democrática de Timor-Leste.

Esteve na Casa de Díli, entre os anos de 2007 e 2011. Nesse ano, voltaria para Fatumaca, onde permaneceu até 2020. Nos últimos anos permaneceu na casa do Pos-Noviciado, em Comoro, Díli.

O Diácono Baltazar Pires foi o missionário salesiano que trabalhou em Timor durante quatro períodos da história de Timor-Leste: o período do administração portuguesa (1970-1975); o tempo da ocupação indonésia (1976-1999); o período da Administração Transitória das Nações Unidas (1999-2002); e o período de Timor-Leste independente (2002-2021). Foi, durante a sua vida, um salesiano dedicado e sacrificado; um conselheiro amigo e um professor competente.

Depois de cinquenta e dois anos de vida missionária em Timor-Leste, este servo fiel e prudente foi chamado pelo seu Senhor para entrar no Reino dos céus, no dia 4 de abril de 2022.

Jornalista : Domingos Piedade Freitas

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here