Prezidente CNE, José Agustinho da Costa Belo, atualiza informasaun ikus Eleisaun Prezidensiál 2022, iha salaun Laline-Larigutu, CNE, Colmera, domingu (27/03). Imajen/CNE

DILI, 27 marsu 2022 (TATOLI)—Hafoin finaliza ona apuramentu nasionál Eleisaun Prezidensiál 2022 iha loron 25 marsu, iha domingu ne’e, Komisaun Nasionál Eleisaun (CNE, sigla portugés) finaliza ona elaborasaun akta, ne’ebé sei haruka ba Tribunál Rekursu hodi haree, foti desizaun no publika iha Jornál Repúblika.

“Durante oras 72, Komisaun Nasionál  Eleisaun realiza apuramentu nasionál hodi konfere akta rezultadu apuramentu hosi sentru votasaun 1.200, verifika votu nulu no reklamadu sira, ne’ebé haktuir ba Lei Eleitorál ba Prezidente Repúblika nú.15/2021,” CNE relata liuhosi nota ne’ebé Agência TATOLI asesu, domingu ne’e.

Notísia relevante: CNE finaliza ona apuramentu nasionál

Elaborasaun akta rezultadu apuramentu nasionál ba Eleisaun Prezidente Repúblika 2022-2027 ne’e realiza iha salaun Laline-Larigutu, CNE, Colmera.

Iha apuramentu nasional, CNE simu votu nulu hamutuk 12.706, votu reklamadu 437, ho totál iha votu nulu hamutuk 13.143, hafoin halo verifikasaun durante prosesu apuramentu, CNE deside sai nulu 8.386, sai rejeitadu 5, branku 67 no sai válidu hamutuk 4.687.

Iha publikasaun rezultadu finál provizóriu ne’e, partisipa hosi reprezentante kandidatura na’in-16, Observadór nasionál no internasionál.

Hosi rezultadu ne’e kandidatura José Ramos Horta hetan votu hamutuk 303.477 (46,6%), Francisco Guterres ‘Lú Olo’ 144.282 (22,1%), Armanda Berta dos Santos 56.690 (8,7%), Tito da Costa Cristóvão Lere Anan Timur 49.314 (7,6%), Mariano Assanami Lopes Sabino 47.334 (7,3%), Anacleto Bento 13.205 (2,0%).

Martinho Germano da Silva Gusmão 8.598 (1,3%), Hermes da Rosa Correia Barros 8.030 (1,2%), Maria Helena Lopes de Jesus Pires 5.430 (0,8%), Isabel da Costa Fereira 4.219 (0,6%), Felisberto Araújo Duarte 2.709 (0,4%).

Constâncio da Conçeicão Pinto ‘Terus’ 2.520 (0,4%), Rogério Tiago de Fátima Lobato 2.050 (0,3%), Virgílio da Silva Guterres ‘Lamukan’ 1.720 (0,3%), Antero Bendito da Silva 1.562 (0,2%) no Maria Ângela Freitas da Silva 711 (0,1%).

Ho nune’e totál votu válidu iha territóriu tomak ba kadidatura 16 ne’e hamutuk 651,859.

Jornalista : Hortencio Sanchez

Editora     : Julia Chatarina

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here