Estudante Sekundára CAFE Maliana, simu hela vasina Pfizer doze dahuluk. Imajen Tatoli/Sérgio da Cruz.

DILI, 24 marsu 2022  (TATOLI)— Ministériu Saúde relata, kazu detetadu pozitivu foun tolu, rekuperadu laiha no kazu ativu 18.

“Ohin kazu detetadu foun  lima, rekuperadu laiha no kazu ativu 18,” hateten Diretora Jerál Prestasaun Saúde Odete da Silva Viegas  liuhosi nota ne’ebé Agência TATOLI asesu ohin  ne’e.

Nune’e, hahú 21 marsu 2020 to’o 23 marsu 2022  iha kumulativu kazu konfirmadu 22.813 no óbitu 130.

Hosi horisehik mai ohin, Laboratóriu Nasionál Saúde halo teste PCR 224, kompostu vijilánsia sentinela laiha, rastreiu ba kontaku haat   rastreiu aleatóriu 34, viájen internasionál 196 no follow up iha kuarentena 10.

Alende ne’e, totál teste PCR ne’ebé halo iha 22 marsu  2022   iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) 81 hanesan Maubisse laiha,  Maliana  rua, Viqueque laiha, Suai 21,  Baucau lima, Ermera laiha, RAEOA laiha, HNGV  53,  Lautém laiha, Vera Cruz laiha no Manufahi laiha.

Populasaun elijível tinan 18 ba leten, ne’ebé simu ona vasina too iha loron 23 marsu  2022, tuir sistema informasaun Saúde iha Ministériu Saúde, hanesan kumulativu 1ª doze iha Dili (89,0%) no kumulativu 2ª doze iha Dili (83,6%).

Enkuantu, Sidadaun iha territóriu nasionál ne’ebé simu ona vasina doze dahuluk iha Timor-Leste 85,3% no simu ona doze daruak 72,5%.

Hosi insidénsia COVID-19 iha Timor-Leste, durante loron hitu ikus maka 0,1/100 mil abitante,

Iha loron  23  marsu  2022, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu ida, baixa ho COVID-19  hamutuk ida.

Notísia Relevante: COVID-19: kazu detetadu pozitivu lima no ativu 15

Jornalista: Felicidade Ximenes

Editór     : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here