Tékniku Komisaun Nasionál Eleisaun (CNE, sigla portugés) hatudu votu nulu ba fiskál partidu sira bainhira hala’o apuramentu nasionál iha salaun CNE, kuarta (23/03). Imajen Tatoli/Francisco Sony.

DILI, 22 marsu 2022 (TATOLI)—Prezidente Komisaun Nasionál Eleisaun (CNE-sigla portugés), José Agostinho da Costa Belo, hateten to’o oras ne’e daudaun CNE konklui ona prosesu apuramentu ba munisípiu Aileu no Ainaro hodi verifika konsisténsia numérika iha akta sira hodi identifika votu nulu no reklamadu sira.

“Ohin, CNE konklui ona prosesu apuramentu ba munisípiu Aileu no Ainaro. Tuir lei dehan katak iha apuramentu nasional CNE sei verifika konsisténsia numérika iha akta sira, deside definitivamente votu nulu no votu reklamadu sira, no mós foti desizaun ba reklamasaun sira,” Prezidente CNE hateten iha salaun CNE, Dili, kuarta ne’e.

Iha apuramentu nasionál ne’e, votu reklamadu hamutuk haat (4) no hafoin halo verifikasaun deside votu reklamadu tolu (sai) sai válidu, ne’ebé atruibui ba kandidatu númeru neen (6) no ida sai nullu.

Hafoin halo verifikasaun ba votu nulu hamutuk 526 ne’e, CNE deside deside buletin votu nulu hamutuk 372 ne’e no sai válidu hamutuk 154 fahe ba kandidatu númeru sorteiu ida (1) Isabel Ferreira hetan ida (1), kandidatu númeru sorteiu rua (2) Hermes da Rosa Correa Barros hetan rua 92), kandidatu númeru sorteiu tolu hetan tolu (3) no kandidatu Maria Ângela Freitas da Silva lahetan.

Kandidatu númeru sorteiu haat (4) Rogério Lobato hetan tolu (3), kandidatu númeru sorteiu lima hetan lima (5), Anacleto Bento Pereira hetan haat (4), kandidatu númeru sorteiu neen (6) Francisco Guterres ‘Lú Olo hetan 21, kandidatu númeru sorteiu hitu (7) Maria Helena Lopes de Jesus Pires hetan haat (4), kandidatu númeru sorteiu ualu (8) Lere Anan Timur hetan tolu (3), kandidatu númeru sorteiu sia (9) Armanda Berta dos Santos hetan 14.

Kandidatu númeru sorteiu 10 Antero Benedito da Silva la hetan, kandidatu númeru sorteiu 11 Constâncio Pinto hetan ida (1), kandidatu númeru sorteiu 12 Virgílio Guterres hetan lima, kandidatu númeru sorteiu 13 Martinho Gusmão hetan haat (4), kandidatu númeru sorteiu 14 José Ramos Horta hetan 78, kandidatu númeru sorteiu 15 Felizberto Araújo Duarte hetan hitu (7) no kandidatu númeru sorteiu 16 Mariano Sabino Asanami hetan 10.

Nia haktuir hosi Munisípiu Ainaro, hahú iha tuku 16:00 ne’ebé mak iha votu reklamadu hamutuk ida no nia desizaun nafatin nulu.

Buletin nulu hamutuk 779, depois de halo verifikasaun deside votu hamutuk 559 mak mantein nulu no votu hamutuk 180 mak sai válidu ho nia deskrisaun mak kandidatu númeru sorteiu ida (1) Isabel Ferreira la hetan, kandidatu númeru sorteiu rua (2) Hermes da Rosa Correa Barros hetan 12, kandidatu númeru sorteiu tolu (3) Maria Ângela Freitas da Silva hetan ida.

Kandidatu númeru sorteiu haat (4) Rogério Lobato hetan ida, kandidatu númeru sorteiu lima (5) Anacleto Bento Pereira hetan hitu (7), kandidatu númeru sorteiu neen (6)  Francisco Guterres ‘Lú Olo hetan 16; kandidatu númeru sorteiu hitu (7) Maria Helena Lopes de Jesus Pires hetan neen, kandidatu númeru sorteiu ualu (8) Lere Anan Timur hetan 11, kandidatu númeru sorteiu sia (9) Armanda Berta dos Santos hetan 27.

Kandidatu númeru sorteiu 10 Antero Benedito da Silva la hetan, kandidatu númeru sorteiu 11 Constâncio Pinto hetan rua (rua), kandidatu númeru sorteiu 12 Virgílio Guterres la hetan, kandidatu númeru sorteiu 13 Martinho Gusmão hetan haat,  kandidatu númeru sorteiu 14 José Ramos Horta hetan 66, kandidatu númeru sorteiu 15 Felisberto Araújo Duarte hetan hitu no kandidatu númeru sorteiu 16 Mariano Sabino Asanami, Lopes hetan 20.

José hatutan, totál votu nulu hosi munisípiu rua ne’e hamutuk 1.305, deside sai válidu hamutuk 334 no mantein sai nulu hamutuk 931. Totál votu reklamadu hosi munisípiu rua ne’e hamutuk lima, deside sai válidu tolu no sai nulu hamutuk rua.

Prosesu verifikasaun ba votu nulu no reklamadu hosi Munisípiu Baucau kontinua la’o hela no seidauk finaliza.

Durante prosesu verifikasaun iha apuramentu nasionál, CNE identifika mós kestaun sira balu hanesan ata iha Estasaun Votasaun balu Sekretaria Estasaun Votasaun la asina, seluk akta orijinál iha Sentru Votasaun balu foer no ata orijinál sentru balu prenxe laloos, maske nia rezultadu loos maibé soma entre votante sira mai vota mak la loos.

CNE hahú hala’o verfikiasaun ba bulletin votu hosi munisípiu Aileu hodi hahú halo prosesu apuramentu iha loron 22 marsu 2022 tuku 14h22 no munisípiu Ainaro hahú iha tuku 16h00.

Jornalista : Osória Marques

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here