Prosesu kpntajen votu iha Munisípiu Covalima. Imajen Tatoli/Celestina Teles.

COVALIMA, 21 marsu 2022 (TATOLI)—Rezultadu apuramentu eleisaun prezidensiál hosi munisípiu Covalima hatudu kandidatu Prezidente Repúblika 2022-2027 ho númeru sorteiu 14, José Ramos Horta manán ho votu 17,965 (48,72%) hosi sentru votasaun 80 no estasaun votu 92.

“Kontajen hosi ofisiál Sekretariadu Tékniku Administrasaun Eleitorál (STAE), iha Covalima hahú halo apuramentu iha sábadu 19 marsu, tuku 09h30 kalan no termina iha segunda (22/03) iha tuku 14h18, hatudu kandidatu José Ramos Horta manán ho votu 17,966 reprezenta 48,72%,” Diretór STAE Covalima, Francisco Gusmão, informa liuhosi komunikadu imprensa ne’ebé Agência Tatoli asesu, segunda ne’e.

Hosi kandidatu na’in-16 ne’e, Francisco Guteres ‘Lú Olo hetan votu 6.563 (17.80 %), Armanda Berta do Santos3.693 (10,01%), Mariano Assanami Sabinu Lopes 3.782 (10,26%), Martinho Germano da Silva Gusmão 729, (1,98%), Tito da Costa Cristovão (Lere Anan Timur) 1,737 (41,71%).

Kandidatu Prezidente Repúblika, Hermes da Rosa Correia Barros 951 (2,58%), Anacleto Bento Ferreira 440 (1,19%) Maria Helena Lopes de Jesus Pires 184 (0,50%) Constâncio da Silva Pinto (Terus) 176 (0,48%), sabel Ferreira 174 (0,47%) Felizberto Araújo Duarte 155 ( 0,42%), Rogério Tiago de Fátima Lobato 116 (0,31%), Virgílio da Silva Guterres (Lamukar) 91 (0,25%) Antero Bendito da Silva 61 (0,17%) Maria Ángela Freitas da Silva 58 (0,16).

Kontajen hosi ofisiál Sekretariadu Tékniku Administrasaun Eleitorál (STAE), iha Covalima hahú halo apuramentu iha sábadu 19 marsu, tuku 09h30 kalan no termina iha segunda (22/03) iha tuku 14h18, hodi rejista totál votante 47,476 totál eleitór ne’ebé mai vota 37.534 ho taxa partisipasaun 79,06% 

Totál rejista votu abandonadu rua (2), votu nulu 429 (1,14%), branku 215 (0,57%), reklamadu ualu (0,02%) no rejeitadu lima (5), nune’e totál votu válidu 36.875 (98,24%) 

STAE Covalima rejista eleitór partisipa iha eleisaun prezidensiál períodu 2022-2027 iha 19 marsu 2022, hamutuk 37.534 ho totál sentru votasaun 80 no estasaun votasaun 92, ne’ebé envolve brigadista na’in-80 ho ofisiál CNE na’in-103. 

Jornalista : Celestina Teles

Editór       : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here