Xefe Departamentu Relasaun Públika Komandu Jerál Polisia Nasionál Timor-Leste, Superintendente Xefe Armando Monteiro, Imajen Tatoli/Natalino Costa

DILI, 21 marsu 2022 (TATOLI)— Portavóz Komandu Jerál Polísia Nasionál Timor-Leste (PNTL), Komandante PNTL Munsípiu Dili, Superintendente Xefe Armando Monteiro, informa durante periodu eleisaun prezidensiál, Komandu Jerál Polísia Nasionál Timor-Leste (PNTL) rejista kazu krime eleitorál ualu.

“Durante periodu eleisaun prezidensiál Komandu Jerál resjita kazu insidente 52, hosi kazu insidente ita rejista kazu espesifiku ualu maka sai hanesan krime eleitorál tolu iha Baucau no kazu krime eleitorál lima iha Dili,” Superintendente Xefe, Polisia Armando Monteiro ba jornalista sira liuhosi Konferénsia imprensa ne’ebé halo iha Kuartél Komandu Jerál PNTL, segunda ne’e.

Notísia relevante:PNTL detein suspeitu na’in-21 ba kazu atake sentru votasaun Fomentu II

Kazu krime eleitorál tolu akontese iha Baucau liuliu iha iha area Caisido, suku Tirilolo ne’ebé joven sira tenta halo problema iha sentru votasaun.

“Kazu ida ne’e ita detein suspeitu na’in-tolu, agora daudaun iha sela detensaun Komandu Jerál Baucau,” nia afirma.

PNTL rejista krime eleitorál iha Dili maka hanesan akontese iha sentru votasaun Paralelu Eskola Tékniku Vokasionál Becora ne’ebé votante sira lamenta tanba  sira nia naran laiha sentru votasaun paralelu ne’ebé PNTL munisipiu Dili konsege asegura vontante refere no detein ona iha sela  Komandu PNTL Dili.

Kazu segundu akontese iha sentru votasaun Becora ne’ebé votante ida lori ema seluk nia kartaun eleitorál hodi tama ba sentru votasaun laran hodi obriga fiskál atu ezerse nia direitu votu.

Maibé parte fiskál informa ba membru PNTL ne’ebé fó seguransa ba sentru votasaun ne’e hodi halo atuasaun lalais no sira asegura votante ne’e lori ba Eskuadra Kristu Rei hodi presta deklarasaun no daudaun ne’e detein ona.

Kazu hanesan mós akontese iha Manleuna, nune’e mós iha sentru paralelu ne’ebé iha Institutu Nasionál Administrasaun Públiku (INAP), Comoro joven ida halo disturbu tanba nia naran laiha lista no PNTL Dili konsege detein.

Alende ne’e, kazu krime eleitór ida maka akontese iha eskola hanesan sentru votasaun Fomentu II ne’ebé akontese iha Sábadu (19/3), bainhira prosesu kontajen votu la’o hela, maibé iha apoiante kandidatu Prezidente lamenta ba rezultadu   kontajen votu hodi tama sentru votasaun halo perturbasaun hodi halo ofensa integridade fizika simples hodi rezulta na’in- rua mak kanek no vidru eskola rahun.

“Ba kazu ne’e ita nian membru PNTL kontatu Komandu PNTL Dili no ita detein suspeitu nain-21, ne’ebé daudaun sira iha ona sela Komandu PNTL Dili detein ona hodi kumpre 72 oras no iha prosesu investigasaun nia laran no submete ona ba Ministériu Públiku hodi tuir prosesu julgamentu primeiru interrogatóriu iha Tribunál,” Portavóz ne’e akresenta.

Komandu Jerál PNTL rejista kazu asidente tráfegu 50, hosi númeru ne’e rezulta óbitu na’in-tolu.

PNTL Dili mós halo apreensaun ba evidénsia motorizada hamutuk lima no karreta tolu ne’ebe maka hodi halo ofensa integridade fizika simples iha lokál krime.

Komandu PNTL mós agradese ba povu Timor-Leste tanba bele koopera ba estabilidade nasionál hodi kontribui ba pás durante eleisaun Prezidensiál la’o iha ámbitu hakmatek.

Notísia relevante: PNTL Baucau detein joven na’in-neen durante eleisaun prezidensiál

Jornalista  : Natalino Costa

Editór         : Florencio Miranda Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here