Kandidatu Prezidente Repúblika independente ba períodu 2022-2027, Tito da Costa Cristóvão ‘Lere Anan Timur’, hamutuk ho espoza, Cidália Mesquita Ximenes, Hafoin ezerse direitu votu iha sentru votasaun sede suku Caenlio, postu Iliomar, sábadu (19/03). Imajen TATOLI/Arminda Fonseca

DILI, 21 marsu 2022 (TATOLI)-Kandidatu indepedente Prezidente Repúblika perídu 2022-2027, ho númeru sorteiu 8, Lere Anan Timur, agradese ba apoiante no povu Timor-Leste (TL) nia apoiu ba ninia kandidatura nu’udar kandidatu Prezidente Repúblika 2022-2027.

Notísia Relevante: Lere Anan Timur apela apoiante simu rezultadu eleisaun

“Hafoin enkontru ekipa vitória ho Jenerál Lere Anan Timur, hato’o nia agradesimentu tomak ba parte hotu liu-liu apoiante no povu ne’ebé apoiu ba nia kandidatura,” refere komunikadu imprensa ne’ebé Tatoli asesu, segunda ne’e.

Hatán ba preokupasaun barak iha públiku kona-ba Jenerál reformadu nia posizaun polítika iha loron hirak tuir mai, mak nia nafatin apela komunidade hamutuk iha ba unidade nasionál ba dame, armonia ba respeitu mutua no mós lidér tomak atu hadomi malu nafatin.

Lere nia pozisaun nafatin konsiente katak lideransa sira tenke hamutuk atu lori nasaun no Estadu ne’e ba oin.

Iha tempu badak, bainhira apuramentu nasionál ramata ona Lere sei hato’o nia hanoin balun tuir mai.

Enkuantu, tuir apuramentu nivel nasionál hosi Sekretáriadu Tékniku Administrasaun Eleitorál dadaun ne’e ona 91.75%, hosi ne’e kandidadu Lere Anan Timur hetan votu 41680 (7,51%).

Kandidatu Ramos Horta hetan vostu 251964 (45,42%), Francisco Guterres ‘Lú Olo’ ho votu 126244 (22,76%), Armanda Berta dos Santos ho votu 50586 (9,12), Mariano Assanami Sabino Lopes ho votu 40986 (7,39), Anacleto Ferreira ho votu 11554 (2,08%).

Martinho Geremano da Silva Gusmão hetan votu 7680 (1,38%), Hermes da Rosa Correia Barros ho votu 6690 (1,21%), Milena Pires, 3924 (0,71%), Isabel da Costa Ferreira ho votu 3623 (0,65%), Felisberto Araújo Duarte ho votu 2327 (0,42%).

Constancio Pinto ho votu 2207 (0,40%), Rogeiro Lobato ho votu 1833 (0,33), Virgílio da Silva Guterres ho votu 1464 (0,26%), Antero Bendito da Silva, 1349 (0,24%) no Angela Freitas, 617 (0,11%).

Notísia Relevante: Taur komprimenta Lere iha rezidénsia Farol

Jornalista : Nelson de Sousa

Editór      : Cancio Ximenes

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here