Prosesu kontajen votu iha sentru votasaun Eskola No 5 Comoro, sabadu (19/03). Imajen Tatoli/Francisco Sony

DILI, 20 marsu 2022 (TATOLI)—Rezultadu provizóriu apuramentu ba Eleisaun Prezidensial períodu 2022-2027 husi munisípiu 12 inklui RAEOA (Região Administrativa Especial Oe-Cusse Ambeno) no diaspora ne’ebé fó sai hosi Sekretariadu Tékniku Administrasaun Eleitoral (STAE) to’o tuku 21:00 OTL hatudu kandidatu, José Ramos Horta ho númeru sorteiu 14 kontinua lidera.

Bazeia ba dadus ne’ebé Tatoli asesu to’o tuku 21:00 OTL hatudu Kandidatu Prezidenti na’in 16 ne’ebé kompete iha eleisaun prezidensial 2022, rezultadu provizóriu sei lidera husi Kandidatu, José Ramos Horta, tuir kedan ho Francisco Guterres Lú Olo no Armanda Berta dos Santos.

Dadus provizóriu ne’e relata katak, kandidatu José Ramos Horta  ho votu 45.86% (206,182), Francisco Guterres ‘Lú Olo’  ho  votu 22.35% (100,497),  Armanda Berta dos Santos  ho votu 9.41% (42,315), Mariano Assanami Sabino Lopes ho votu 7.46% (33,550), Tito da Costa Cristovão ‘Lere Anan Timur’ ho votu 7,04%  (31,640).

Tuir kedan, kandidatu Anacleto Bento Perreira ho votu 2.16% (9,702), Martinho G. da Silva Gusmão  ho votu 1.42%  (6,373), Hermes da Rossa Correia Barros ho votu  1.19%  (5,256),  Isabel da Costa Ferreira ho votu  0.67%  (3,019), Maria Helena de Jesus Lopes Pires ho votu  0.66% (2,950),  Felizberto Araújo Duarte  ho votu 0.44% (1,989).

Kandidatu Constancio da Conceição Pinto ho votu 0.41% (1,831), Rogério Tiago F. Lobato  ho votu 0.35% (1,583), Antero Benedito da Silva ho votu  0.25% (1,120), Virgílio da Silva Guterres ho votu 0.24% (1,088), Maria Angela Freitas da Silva ho votu 0.12% (533).

Dadus ne’ebé relata bazeia ba operasaun akta ne’ebé dizita ona hamutuk 925 husi total akta 1,200. Klasifikasaun votu tuir dadus ne’ebé STAE relata iha votu validu 97.37% ho eleitór 449,628, votu branku 0.58% ho eleitór 2,674, votu nulu 1.98% ho eleitór 9,141, votu reklamadu 0.06% ho eleitór 292, votu rezeitadu 0.01% ho eleitór 44, votu abandonadu 0.01% ho eleitór 39.

Total eleitór ne’ebé rezistadu iha STAE hamutuk 859,613 ho partisipasaun 53.72% ou eleitór 461,818 ne’ebé mai hosi mane 51.78% (eleitór 239,128) no feto 48.22% (eleitór 222,690). Enkuantu eleitór ne’ebé la tuir vota iha 46.28% (eleitór 397,795).

Dau-daun ne’e prosesu apuramentu ba rezultadu votasaun eleisaun prezidensial 2022 kontinua la’o iha munisípiu 12 inklui  RAEOA, enkuantu ba diaspora nia remata ona.

Jornalista : Cidalia Fátima

Editorá    : Armandina Moniz

PUBLISIDADE HUSI MTCIiklan

1 KOMENTÁRIU

  1. Ba Elisaun Presidente ba hau privadu la iha problema tamba se mak manan iha elisaun ne,e nia sai ita hotu nian presidente laos ba presidente partidu ida . Hau husu ba simpatijantes hotu-hotu tenki komprende obrigadu wain

HAKEREK NO HATÁN

Please enter your comment!
Please enter your name here