RAEOA hahù realiza apuramentu munisipál. Imajen Tatoli/ Abílio Elo Nini.

OÉ-CUSSE, 20 marsu 2022 (TATOLI) – Sekretariadu Tékniku Administrasaun Eleitorál (STAE), hamutuk ho Komisaun Nasionál Eleisaun (CNE, sigla portugés), hahú realiza ona apuramentu munisípál hafoin sentru votasaun 29 tama ona iha tuku 23:00 kalan ne’e.

Diretór CNE RAEOA, Tomás Oqui Meta, hatete, sentru voatsaun barak mak tama mai sentru iha tuku 11:00 ba leten, nune’e to’o agora sentru votasaun 29 mak tama ona, nune’e bele hahú halo ona apuramentu hodi hein, hosi Pássabe no Nítibe. Tanba tuir lei apuramentu sei hala’o durante tolu iha Oé-Cusse.

“Tuir loloos ohin ita hahú iha tuku 23:00 maibé parte orgaun eleitorál sei rezolve tékniku balun, tanba ne’e iha hahú iha 00:00, tanba sentru votasaun 29 mak tama ona, entaun ita hahú agora to’o aban dadeer, se karik ita adianta, ita sei halo konkordánsia ho fiskál sira nune’e bele aselera prosesu la’o ho susesu,” Diretór CNE RAEOA, Tomas Oqui Meta, informa ba audiénsia sira iha salaun Alfándega, Palaban.

Purtantu, tuir observasaun hosi Agência Tatoli ne’ebé asesu tuir tékniku STAE katak, to’o tuku 00:00, sentru votasaun 29 mak tama ona ba apuramentu munisipál, maioria hosi sentru votasaun sira iha sub-rejiaun Pante Makasar no Oésilo mota sorin.

Enkuantu iha sub-rejiaun Oésilo mota sorin perténsia suku Bobometo, Usitasa’e no Usitaqueno ho sub-rejiaun Pásabe no Nítibe sedauk tama tanba razaun mota tún, defisil atu ultarapasa iha kalan ne’e kedas.

Nune’e iha apuramentu jerál ne’e, hetan seguransa másima hosi Polísia Nasionál Timor-Leste (PNTL), observa hosi CNE no akompaña direita hosi fiskál kandidatura na’in-16.

Jornalista: Abílio Elo Nini
Editór: Evaristo Soares Martins

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here