Prezidente Parlamentu sei partisipa konferénsia mundiál IPU iha Indonézia
DILI, 20 marsu 2022 (TATOLI) – Prezidente Parlamentu Nasionál, Aniceto Longuinhos Guterres Lopes, sei partisipa konferénsia mundiál asembleia jerál Inter Parliamentary Union (IPA) iha Indonézia-Bali.
Tuir komunikadu imprensa ne’ebé Tatoli asesu ohin, delegasaun Parlamentu Nasionál lideradu Prezidente Parlamentu Nasionál akompaña hosi Deputadu Aderito Hugo, Deputada Elvina Sousa no Deputada Isabel Ximenes, sei dezloka ba Indonézia hodi tuir konferénsia ne’ebé sei hala’o iha loron 20- 25 marsu 2022.
Asembleia jerál ho tema “hatun ba zero, mobiliza PN sira atu atua kona mudansa klimátika“.
Timor-Leste hanesan mós membru IPU sei halo mós intervensaun kona-ba situasaun ne’ebé mundu enfrenta iha nível polítika no ekonómika, alterasaun klimátika no dezenvolvimentu sustentável.
Konferénsia mundiál ne’e sei partisipa hosi nasaun 110 ne’ebé organiza hosi IPU ho Repúblika Indonézia no servisu hamutuk ho Nasaun Unida.
Jornalista: Nelson de Sousa
Editór : Zezito Silva
